Edwein 143:3 - AHYERƐLƐ KRONGRON

³ Ofikyɛ pɔfoɛ ne atu ye nye wasie me kra so, wabɔ me ngoa wato ase, na wamaa matena awosii nu kyɛ bɛ bɔ bawuwu dada ɔ.

Edwein 143:3 Iomraidhean Croise

2 Samuel 18:11

Na Yoabo sele biaa bɔ ɔɔbɔle ye amaneɛ ne kyɛ, “Aaah! Anwu ye! Nzu ati yeɛ angu ye wɔ berɛ ɔ? Ahaa ngɔfa ɛdwetɛ buru ne abɔsoɛ ngɔbɔ wɔ aba so.”

2 Samuel 2:22

Yeɛ Abenɛ sele Asahel bieku kyɛ, “Yakyi me foalɛ. Nzu ati yeɛ ɛpena kyɛ meku wɔ ɔ? Sɛ meku wɔ a, aso ngɔhora eliɛma Yoabo nyunu nea?”

Edwein 142:6

Tie me sufrɛ, ofikyɛ maboto paa. Pepɛ de me fi bɛ bɔ bɛtane me nye ɔ bɛ sa nu, ofikyɛ bɛ nwo yɛ se tra me.

Edwein 35:4

Bɛ bɔ bɛpena me beku me ne, maa bɛ nyunu ogua ase, ná bɛfɛre. Bɛ bɔ bɛbɔ me nwo porɛ ne, maa bɛfa animguaseɛ besa bɛ si bɛhɔ.

Edwein 54:3

Ofikyɛ ɛwɔfoɛ mɔ badwɔso batia me, atianuserɛfoɛ bɛpena me beku me; bɛmva Nyameɛ bɛnyɛ huu. Sela

Edwein 7:5

ye de ma me pɔfoɛ ɔfoa me ɔɔto me; maa otiatia me ngoa so wɔ nnɛterɛ nu, ná ɔ́fa me kra owura mvuture nu. Sela

Edwein 7:6

Ao AWURADE, fɛ yaa ná dwɔso e; kekã wɔ nwo dwɔso tia me pɔfoɛ mɔ b’ɛyaafɛlɛ; ao me Nyameɛ, dwɔso gyina me si, wɔ bɔ ahyehyɛ ndɛenbualɛ ato berɛ ɔ’.

Awuye 3:6

Wafa me watena awosii nu kyɛ daa tete awufoɛ nemɔ ala.

Hesekiel 37:11

Yeɛ osele me kyɛ, “Sona awa, mmowue hemɔ ole Yisrael awuro ama amukoraa. Tie, bɛnwa: ‘Yɛ mmowue nwo ayɛ kokwakokwa, yɛ anyelasoɛ atu amini, yeɛ waye ye sa wafi yɛ bo koraa.’

Mika 7:8

Wɔ, me pɔfoɛ, nnɛdi me nwo ahurusi; sɛ mefi ase a, ngodwɔso, sɛ nde awosii nu a, AWURADE yeɛ ɔkɔyɛ me kanea ɔ.