Edwein 143:12 - AHYERƐLƐ KRONGRON

¹² Wɔ ɔdɔ bɔ onni ngasi ne ati, nua me pɔfoɛ mɔ bɛ boso, ná kũkũ bɛ bɔ bekyi me ɔ amukoraa, ofikyɛ nde wɔ somvoɛ.

Edwein 143:12 Iomraidhean Croise

Edwein 116:16

Ao AWURADE, nde wɔ somvoɛ, nde wɔ somvoɛ, w’afaneɛ awa ole me. Asangye nyamaa bɔ wakyekye me ne.

Edwein 119:94

Nde wɔ deɛ; pepɛ de me, ofikyɛ medi wɔ nhyehyɛleɛ so.

Edwein 52:5

Nakoso Nyameɛ kobubu wɔ kogua berɛ afebɔɔ; ɔkɔpra wɔ boso kɔhwe wɔ kofi wɔ tena sua nu; okotu wɔ bo kofi teasefoɛ aseɛ so. Sela

Edwein 54:5

Ɔkɔfa me pɔfoɛ mɔ bɛ bɔbɔ bɛ bɔne kotua bɛ so kerɛ. Wɔ nahorɛlilɛ ti, nua bɛ boso.

Edwein 54:7

Ofikyɛ wapepɛ wale me wafi amaneɛ amukoraa nu, na mafa me nye manwu me pɔfoɛ mɔ bɛ ngoguo.

Edwein 55:23

Nakoso wɔ, ao Nyameɛ, ekofindi bɛ kogua ewue kumaa ne abo dɔ; kodiawufoɛ ne ngondombofoɛ de, bengoli b’aseɛ ye aso ngoa ye bue po. Nakoso me de, mefa me wora mewura wɔ nu.

1 Samuel 25:29

Me mene, sɛ ebie yɛ kyɛ ɔfoa wɔ pena wɔ ku wɔ a, ye de AWURADE wɔ Nyameɛ kɔbɔ wɔ ngoa nwo waen maa ɛkɔboka ateasefoɛ so. Nakoso wɔ pɔfoɛ mɔ bɛ ngoa de, okofindi bɛ kogua kyɛbɔ bɛfa taya befindi nyɔboɛ ne ala.

1 Samuel 26:10

Yeɛ Dawide toale so sele kyɛ, “Kyɛ AWURADE te ase ye, AWURADE yeɛ okohu ye ɔ. Sɛ wanwu ye Ɛdangama wue a, bekohu ye wɔ koɛ nu.