Edwein 143:10 - AHYERƐLƐ KRONGRON

¹⁰ Kyirekyire me maa nyɔ w’apɛdeɛ, ofikyɛ wɔ yeɛ ɛte me Nyameɛ ɔ. Ma wɔ Sunzum paa ne oli me nyunu, maa ɔfa me fa atimbire frɛtɛɛ so.

Edwein 143:10 Iomraidhean Croise

Nehemia 9:20

Ɛfale wɔ Sunzum paa ne mane bɛ kyɛ ohyirehyire bɛ mmeraa ne. Na mana bɔ ɛfa maa belili ne, anyakyi bɛ ye manɛ, yeɛ nzuhɔen ku bɛ ne, ɛmane bɛ nzue maa bɛnone.

Edwein 118:28

Wɔ yeɛ ɛte me Nyameɛ ɔ, ngɔye wɔ ayɛ; wɔ yeɛ ɛte me Nyameɛ, ngɔpagya wɔ.

Edwein 119:12

Ao AWURADE, yɛye wɔ ayɛ, kyirekyire me w’ahyɛdeɛ ne.

Edwein 119:35

Di me nyunu fa me fa wɔ mmeraa dwirɛ atee ne aso, ofikyɛ me nye gye ye nwo.

Edwein 139:24

Nea sɛ bra tɛɛ bie wɔ me nu a, na di me nyunu fa me fa atee bɔ ɔla berɛ afebɔɔ ne aso.

Edwein 140:6

Nzele AWURADE kyɛ, “Wɔ yeɛ ɛte me Nyameɛ ɔ; ao AWURADE, yɛ asoɛ tie me sufrɛ.”

Edwein 22:1

Me Nyameɛ, me Nyameɛ, nzu ati yeɛ apo me ye? Nzu ati yeɛ mepene mepena mmokalɛ, nakoso aye wɔ nye afi me so ye?

Edwein 23:3

ɔma me kra nwo sande ye. Odi me nyunu fa me fa tenenee atee so, ye dumaa ne ati.

Edwein 25:12

Nwa yeɛ ɔte sona bɔ osuro AWURADE ɔ? Ye yeɛ AWURADE kohyire ye atee bɔ odi kyɛ ɔfa so ɔ.

Edwein 27:11

Ao AWURADE, kyire me w’atee ne, ná fa me fa atimbire frɛtɛɛ so, ɔnate me pɔfoɛ mɔ ati.

Edwein 31:14

Nakoso ao AWURADE, mafa me wora mawura wɔ nu, menwa, “Me Nyameɛ ole wɔ.”

Edwein 63:1

Ao Nyameɛ, wɔ yeɛ ɛte me Nyameɛ ɔ, mepena wɔ serɛserɛ; me kra wora adɔ wɔ, me nwonaen ayɛ hodwoo ɔpena wɔ kyɛ aseɛ wosee katerepee bɔ ɔpena nzue ɔ.

Yesaya 29:10

Ofikyɛ AWURADE afa nnafelɛ hatee sunzum wato ɛmɔ so, ɛmɔ nye bɔ yeɛ ɔte ngɔmhyɛlɛfoɛ ne, wamuamua ye, ɛmɔ ti bɔ yeɛ ɔte mmenia bɔ bɛse ase ne, wamundu so.

Yesaya 63:14

Na AWURADE Sunzum ne maa belele bɛ nwome kyɛ nandwie mɔ bɔ bɛtorotoro bɛkɔ bɔnza nu ɔ. Sɔ yeɛ ehyirele wɔ maen atee ɛfa nyane animnyam dumaa mane wɔ nwo ɔ.

Mika 4:2

na maen maen pee kɔwa bɛkɔɔhã kyɛ, “Ɛmɔbra maa yɛfo yɛhɔ AWURADE bokaa ne aso, yɛhɔ Yakob Nyameɛ n’awuro berɛ, amaa ɔnate so wahyirehyire yɛ ye atee, ná yanate ye atimbire so.” Ofikyɛ Sion yeɛ mmeraa ne kofi kɔwa ɔ, na AWURADE dwirɛ ne kofi Yerusalem yeɛ ɔkɔwa ɔ.

Numeri 9:22

Na sɛ munungum ne toa so mundu nyianu sua ne aso elenyɔ, anaa bosome, anaa mmerɛ tendenn biala a, Yisraelfoɛ kɔ so tena asikyeleɛ berɛ bɔ bendu bɛ bo ɔ. Nakoso sɛ munungum ne ma ye nwo so a, né batu bɛ bo.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Yohane 14:26

Na Aworakyekyerɛniɛ ne, bɔ ye ole Sunzum Krongron ne, bɔ Baba ne kɔsoma ye wɔ me dumaa nu ne, ye yeɛ okohyirehyire ɛmɔ nikyee biala ɔ, na ɔkɔkaye ɛmɔ bɔ mahã mahyire ɛmɔ ne amukoraa.

Romanfoɛ 15:13

Na mesrɛ kyɛ, anyelasoɛ Nyameɛ ne ɔfa gyidie nu anigye ne asomdwee amukoraa owura ɛmɔ nu tɛkyɛ, amaa ɔnate Sunzum Krongron tumi so ɛmɔanya anyelasoɛ mmorosoɛ.

Romanfoɛ 15:30

Aliɛmaa mɔ, méfa y’Awurade Yesu Kristo ɔne Sunzum ne dɔ mesrɛ ɛmɔ kyɛ, ɛ́mɔboka me wɔ mbaeɛ bɔ ɛmɔbɔ bekyire Nyameɛ bɛma me ne anu,

Romanfoɛ 5:5

Na anyelasoɛ nni ngasi, ofikyɛ Nyameɛ nate ye Sunzum Krongron bɔ ɔfa mane yɛ ne aso wafa ye ɔdɔ somaa ne wawura yɛ ahone nu.

Romanfoɛ 8:2

Ofikyɛ Kristo Yesu nu ngoa Sunzum mmeraa ne, wapepɛ wale me wafi bɔne ne ewue mmeraa ne anu.

Romanfoɛ 8:26

Sɔ ala yeɛ Sunzum ne boka yɛ wɔ yɛ mmerɛyɛlɛ nu ɔ, ofikyɛ yɛnze kyɛbɔ ɔsɛ kyɛ yɛbɔ mbaeɛ ɔ. Nakoso Sunzum ne bɔbɔ ogyina yɛ gya nu, na ɔfa ɛpenenɛ bɔ bɛngora bɛmva edwudwolɛ bɛnga ɔ so ɔsrɛ ma yɛ.

Ɛfesofoɛ 4:30

Nyameɛ Sunzum Krongron bɔ bafa bahyɛ ɛmɔ nzorɛ bama ngoalelɛ kyẽa ne, nnɛma ɛmɔbɔ ye wora.

Ɛfesofoɛ 5:9

ofikyɛ kanea mmaa bɔ osu ne, ɔda ali wɔ bra paa ne tenenee ne nahorɛ amukoraa nu;

2 Timoteo 1:7

ofikyɛ Nyameɛ amma yɛ esurolɛ sunzum, na mmom tumi ne ɔdɔ ne anwohyɛsoɛ sunzum.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.

1 Yohane 2:27

Nakoso ɛmɔ de, ngoo bɔ wafa wapopa ɛmɔ ne, ɔte ɛmɔ nu, yiti onhia kyɛ ebie kohyirehyire ɛmɔ ɔ. Na sɔ ngoopalɛ ne ala kyirekyire ɛmɔ nikyee biala, ɔkã nahorɛ, ɔmbɛ ngondombo, na kyɛbɔ wahyirehyire ɛmɔ ne, ɛmɔli so.