Edwein 142:2 - AHYERƐLƐ KRONGRON

² Meprapra me dwirɛ yealɛ megua ye nyunu; mefa m’amaneɛ meto ye nyunu.

Edwein 142:2 Iomraidhean Croise

Edwein 28:1

Ao AWURADE, wɔ yeɛ mesu mefrɛ wɔ ɔ, me nyɔbotaen, nnɛtuatua wɔ so bɔ ɛngɔtɛ me so ɔ, ofikyɛ sɛ andɛ me so a, ngɔyɛ kyɛ bɛ bɔ bawu bahɔ ɛborɔ kumaa nu ne.

Edwein 42:4

Mekaye sɔ dwirɛ hemɔ a, né me kra wora abɔ: kyɛbɔ me ne ɛlɔen ne yɛhɔle, ɛlɔen kandinga bɔ bedi aluolue ne, bɔ nne esebɔlɛ ne asennaa dwein, nnili folii ne nyunu ngɔle Nyameɛ awuro ne.

Edwein 62:8

Ao kuro mmenia, odi kyɛ ɛmɔfa bɛ nwo bɛto ye so mmerɛ biala, ná ɛ́mɔfa ɛmɔ ahiasɛm bɛto ye nyunu, ofikyɛ Nyameɛ te y’afealeɛ. Sela

Yesaya 26:16

O AWURADE, bɛpenane wɔ si atee wɔ b’amaneɛnwunɛ nu, besu bɛfrɛle wɔ wɔ mmerɛ bɔ né ɛtwe bɛ so ɔ.

Romanfoɛ 8:26

Sɔ ala yeɛ Sunzum ne boka yɛ wɔ yɛ mmerɛyɛlɛ nu ɔ, ofikyɛ yɛnze kyɛbɔ ɔsɛ kyɛ yɛbɔ mbaeɛ ɔ. Nakoso Sunzum ne bɔbɔ ogyina yɛ gya nu, na ɔfa ɛpenenɛ bɔ bɛngora bɛmva edwudwolɛ bɛnga ɔ so ɔsrɛ ma yɛ.

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.