Edwein 141:6 - AHYERƐLƐ KRONGRON

⁶ Sɛ bɛ mbanyi mɔ bɛfa bɛ bewura bɛ bɔ bekobua bɛ foɛ mɔ sa a, ye de bekonwu kyɛ me dwirɛ yɛ fɛ paa.

Edwein 141:6 Iomraidhean Croise

2 Samuel 23:1

Dawide noa dwirɛ bɔ ɔpɛ ye bo ɛhe: Yese awa Dawide, ye noa dwirɛ, sona bɔ Nyameɛ apagya ye ne, ye noa dwirɛ, sona bɔ Yakob Nyameɛ apopa ye ngoo ne, Yisrael edweintolɛniɛ bɔ ye dwein fɛfɛɛfɛ ne, ye noa dwirɛ ɛhe:

1 Aberɛso Dwirɛ 12:38

Sɔ koɛhonɛfoɛ nemɔ, bɔ basiesie bɛ nwo bama koɛ ne, bɛ mukoraa bɛwale Hebron kyɛ bɛbaafa Dawide besie Yisrael amukoraa so hene. Sɔ ala yeɛ né Yisrael ngaa ne amukoraa bayɛ adwene ko kyɛ bɛfa Dawide besi hene ɔ.

1 Aberɛso Dwirɛ 13:2

Na Dawide sele Yisrael maen ne amukoraa kyɛ, “Sɛ ɛmɔkuro, ná AWURADE me Nyameɛ pene so a, ye de y’eliɛma mɔ Yisraelfoɛ bɔ bɛwɔ maen ye nekaa biala, asɔfo ne Lewifoɛ bɔ bɛwowɔ nguro bɔ aseɛ bɔ nyɛmmoa didi so la ye nwo ne, ɛ́mɔma yɛto bɛ ngraa, maa bɛɛboka yɛ so.

2 Aberɛso Dwirɛ 25:12

Yudafoɛ sa hyehyele Sɛrefoɛ nemɔ apee buru anyekaenn so. Bɛfale bɛ bɛfo bɛhɔle nyɔbotaen tendenn bie aso. Begyili bɛ befili nyɔbotaen ne ati afia beguale ase maa bɛ mukoraa bɛ nu tetele pasapasa.

Edwein 45:2

Wɔ nwo yɛ nyemene tra sona biala; wɔ noa dwirɛ yɛ fɛ, yiti Nyameɛ ayira wɔ afebɔɔ.

Luka 4:22

Na bɛ mukoraa bɛhane edwirɛ paa bɛfale Yesu nwo, na ye noa dwirɛ bɔ ɔte adom dwirɛ ne ɔyɛle bɛ nwanwa; nakoso bebisale kyɛ, “Aso nna Yosef awa ne ɛhe anaa?”