Edwein 141:5 - AHYERƐLƐ KRONGRON

⁵ Ma teneneeniɛ ɔbo me, ná ohwi me nyunu wɔ ɔdɔ nu. Nnɛmaa bɔnefoɛ bɛfa bɛ ngoo bɛpopa me ti so, ofikyɛ mebɔ mbaeɛ daa metia b’amumuyɛɛ ne.

Edwein 141:5 Iomraidhean Croise

2 Aberɛso Dwirɛ 25:16

Nakoso ngɔmhyɛlɛniɛ ne noa wɔ so bɔ odwudwo ne, Nana Amasia sele ye kyɛ, “Nwa yeɛ ɔyɛle wɔ Nana ye tufohene ɔ? Ka wɔ noa to nu. Wanyɛ sɔ a, ngohũ wɔ.” Yiti ngɔmhyɛlɛniɛ ne yakyili ngɔm ne hyɛlɛ, nakoso osele kyɛ, “Me de mese kyɛ Nyameɛ pena kyɛ oku wɔ ɔ, ɔnate bɔ ayɔ ɔ, ɔne kyɛ andie me foɛtulɛ ne ati.”

Edwein 125:4

Ao AWURADE, yɛ mmeni paa ne bɛ bɔ b’ahone nu te ɔ paa.

Edwein 23:5

Ɛto me poen wɔ me pɔfoɛ mɔ nyunu; ɛfa ngoo popa me ti so; me kulie yi bu fa so.

Edwein 51:18

Maa ɔyɛ wɔ anigye kyɛ ɛkɔma Sion konya ngɔsoɛ ɔ; si Yerusalem fasue nemɔ.

Anyandera 12:1

Ebiala bɔ okuro kyɛ bɛtengyɛtengyɛ ye ne, okuro nimdeɛ, nakoso bɔ okyi kyɛ bɛkɔhã ye nyunu ne de, wagyimi.

Anyandera 15:22

Ɛkwati foɛtulɛ ɛfa adwene a, ɔte mbaen, nakoso sɛ ɛfa foɛtulɛfoɛ pee b’adwene a, ogyina.

Anyandera 15:5

Kwaseaa mva ye baba foɛtulɛ nyɛ huu, nakoso sona bɔ betwi ye nyunu a otie ne, ɔte badwemma.

Anyandera 19:25

Bo ngorohoɛniɛ, na sona bɔ ye adwene te kãa ne kosua nworɛ, kã sona badwemma nyunu, na okonya nimdeɛ.

Anyandera 25:12

Sɛ nworɛniɛ tu wɔ foɛ ná ɛfa a, ɔte kyɛ sikaa kɔkorɛ asomade ne agudeɛ.

Anyandera 6:23

Ofikyɛ mmeraa dwirɛ ne te kanea, yeɛ ngyerɛkyerɛ ne te hyireinn, na betwi wɔ nyunu bɛtengyɛtengyɛ wɔ a, ɔte asetena nu esaa bɔ ɔla berɛ ɔ;

Nworɛ Dwirɛhanɛniɛ 7:5

Nworɛniɛ twi wɔ nyunu a, ɔte paa kyɛ ekotie tra kyɛ ekotie ngwaseafoɛ edweintolɛ ɔ.

Lewitikɔso 19:17

Nnɛdwene ebiɛngo nwo adwene tɛɛ, na mmom fa edwirɛ tɛɛ bɔ wayɔ ne to ye nyunu, ná anza ye nwo anyɔ bɔne.

Mateo 5:44

Nakoso me de, mekã mekyire ɛmɔ kyɛ, ɛ́mɔhuro ɛmɔ pɔfoɛ mɔ dwirɛ, ná ɛ́mɔbɔ mbaeɛ bɛ́ma bɛ bɔ bɛtane ɛmɔ nye ɔ;

Galatiafoɛ 6:1

Aliɛmaa mɔ, sɛ ɛmɔ nu bie yɔ bɔne a, ɛmɔ bɔ ɛmɔte sunzum nufoɛ ne, ɔsɛ kyɛ ɛmɔfa aboterɛ bɛtengyɛtengyɛ ye. Nakoso nea wɔ nwo yé ná wɔ wora angɔ nzɔhwɛ nu.

Nyekyire 3:19

Bɛ bɔ mekuro bɛ dwirɛ ne, metwi bɛ nyunu, yeɛ metwe bɛ so; yiti ma wɔ nye boro ná sakyera w’adwene.