Edwein 141:2 - AHYERƐLƐ KRONGRON

² Ma me mbaeɛ ɔyɛ kyɛ ɛyɛɛ wɔ wɔ nyunu, ná me sa bɔ mema so ne, ɔ́yɛ kyɛ nɔsoa afɔleɛ.

Edwein 141:2 Iomraidhean Croise

1 Ahemvo 18:36

Mmerɛ bɔ bɛfa bɛbɔ aburoo afɔleɛ ne dwuli ne, ngɔmhyɛlɛniɛ Elia pingyele berɛ, na osele kyɛ, “Ao AWURADE, Abraham, Yisake ne Yisrael Nyameɛ, ɛnɛ maa benwu ye kyɛ wɔ yeɛ ɛte Nyameɛ wɔ Yisrael ɔ, na nde wɔ somvoɛ, na wɔ noa dwirɛ so yeɛ ngyi bɔ mayɔ ɛhe amukoraati ye.

Ɛsra 9:4

Bɛ bɔ befili nnurehyelɛ nu bɛwale ne, ɔnate bɛ mvomsoɛ ne ati, mmenia mukoraa bɔ Yisrael Nyameɛ dwirɛ ne mane bɛ nwo dwirili bɛ ne, bɛɛtenatenane me nwo berɛ, na mvale aworabɔlɛ mbofole berɛ toonn maa oodwuli mmerɛ bɔ bɛbɔ nɔsoa afɔleɛ ne ɔ.

Edwein 134:2

Ɛ́mɔma ɛmɔ sa so behyire nekaa krongron berɛ, ná ɛ́mɔye AWURADE ayɛ.

Edwein 28:2

Tie me sufrɛ wɔ aberɛ bɔ mesu mefrɛ wɔ mepena mmokalɛ ye, wɔ aberɛ bɔ mema me sa so mekɔ anwuro mefa mekyire wɔ nekaa krongron paa berɛ ne.

Edwein 5:3

Ao AWURADE, ngyerɛmɔ ɛte me komvi, ngyerɛmɔ mefa me dwirɛ meto wɔ nyunu, na menwondɛ wɔ mmuayɛɛ.

Edwein 63:4

Yiti mmerɛ bɔ nde ngoa nu ye, ngɔye wɔ ayɛ, na ngɔma me sa so ngɔbɔ mbaeɛ wɔ wɔ dumaa nu.

Ɛksadɔso 29:39

Fa boaen akrɔngrɔma ko bɔ afɔleɛ ngyerɛmɔ, ná fa ko ne koso bɔ afɔleɛ nɔsoa.

Ɛksadɔso 35:15

afɔleɛ bokyea bɔ bɛyera ɛyɛɛ so ɔ, ɔne ye mbuna mɔ, ɛpopalɛ ngoo, ayirefona, ɔne ɛtena bɔ bɛkɔfa konwi nyianu sua ne anoa nu berɛ ɔ;

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Daniel 9:21

bɔ né ngu so mebɔ mbaeɛ nen, biaa Gabriel bɔ nnili moa nwuni ye wɔ nyekyire nu ne, otuli ndɛndɛ wale me nwo berɛ ɔɔfale ye sa hane me, wɔ nɔsoa afɔleɛbɔlɛ mmerɛ ne anu.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Numeri 16:35

Na see fili AWURADE berɛ ɔɔyerale mmienzua ɛyaa nyɔ ne aburannu bɔ né bɛbɔ ɛyɛɛ afɔleɛ ne.

Asomafoɛ 3:1

Ɛlɛho bie, ɔbɔle eyia nnɔnmmiɛnza bɔ ɔte dɔnhwere bɔ bɛbɔ mbaeɛ wɔ nu ne, Petro ne Yohane besili nu kyɛ bɛkɔ asɔneyɛɛ sua ne anu.

1 Timoteo 2:8

Yiti mekuro kyɛ mmienzua bɛbɔ mbaeɛ wɔ nekaa biala, bɛma asaa bɔ ye nwo te ɔ so, bɔ ɛyaafɛlɛ anaa aporowaasulɛ nne nu ɔ.

Nyekyire 5:8

Na mmerɛ bɔ olele nwomaa bɔ babobɔ nen, abɔdeɛ teasefoɛ nna ne ne mbanyi aburanyɔ ne nna ne bɛfale bɛ nyunu bebutubutuli ase wɔ Boaen Ba ne nyunu; bɔ bɛ mukoraa betiratira sangoo ne sikaa kɔkorɛ kulie mɔ bɔ ɛyɛɛ, bɔ ɔte anwoteefoɛ mbaeɛ ɔ wayi bɛ tɛkyɛ ɔ.