Edwein 140:9 - AHYERƐLƐ KRONGRON

⁹ Bɛ bɔ bapɛ me nwo bayia ne, bamoma bɛ nwo so; ma bɛ noa nu musue dwirɛ ne ɔbɔ bɛ ti so!

Edwein 140:9 Iomraidhean Croise

Ɛseta 5:14

Yeɛ ɔye Sɛrese ne ye damvo nemɔ amukoraa besele ye kyɛ, “Maa bɛfa bakaa bɔ ye tendenn te agyirɛ aburannu ɔ bɛpena berɛ, ná ka kyire Nana Ahasuro ɛhema ngyerɛmɔ, kyɛ ɔma bɛbɔ Modekae kɔme wɔ so. Na afei fa anigye ɛne Nana bɛhɔ ɛpoentolɛ ne abo.” Sɔ nzusuleɛ ne yɛle Haman fɛ, na ɔmaa bɛfale bakaa ne bɛpenane berɛ.

Ɛseta 7:10

Yiti bakaa bɔ Haman fa penane berɛ kyɛ bɛbaabɔ Modekae kɔme wɔ so ne, so yeɛ bɛbɔle Haman kɔme ɔ. Na afei Nana Ahasuro ahone tɔle nzue nu.

Edwein 64:8

Bɛ noa dwirɛ ti, ɔkɔmaa amaneɛ kɔto bɛ, na ebiala bɔ okonwu bɛ ne, ye nwo kodwiri ye.

Edwein 7:16

Ye musue bɔ ye bɔbɔ ye ti so, na basabasa bɔ wahyehyɛ ne, odwiri gua ye bɔbɔ ye ti so.

Edwein 94:23

Okotua bɛ b’amumuyɛɛ so kerɛ, ná ɔnate bɛ bɔne ti wanua bɛ boso. Amba, AWURADE yɛ Nyameɛ konua bɛ boso.

Anyandera 10:11

Teneneeniɛ ye noa dwirɛ te ngoa asue ti, nakoso bɔnefoɛ de, ɔfa ye noa kata bɔne so.

Anyandera 10:6

Teneneeniɛ nya saleɛ, nakoso bɔnefoɛ de, ɔfa ye noa kata bɔne so.

Anyandera 12:13

Bɔnefoɛ noa dwirɛ tɛɛ osua ye bɔbɔ ye ngaen kye ye, nakoso teneneeniɛ de, onya ye ti didi nu fi amaneɛ nu.

Anyandera 18:7

Kwaseaa ye dwudwolɛ fa ye kɔ amaneɛ nu, na ye noa dwirɛ sua ye kra ngaen.

Mateo 27:25

Na maen ne amukoraa bebuale kyɛ, “Ye mogya ɔ́bɔ yɛ ne yɛ mma mɔ ti so!”

Deuteronomi 32:27

Nakoso né mesuro kyɛ pɔfoɛ ne kɔfa kɔhoahoa ye nwo, ofikyɛ ebiaa né bɛ pɔfoɛ mɔ ande bɔ meyɔ ne abo, na bɛkɔhã kyɛ, ‘Yali ngonim; nna AWURADE yeɛ ɔyɔle sɔ nningyein he amukoraati ɔ.’