Edwein 140:6 - AHYERƐLƐ KRONGRON

⁶ Nzele AWURADE kyɛ, “Wɔ yeɛ ɛte me Nyameɛ ɔ; ao AWURADE, yɛ asoɛ tie me sufrɛ.”

Edwein 140:6 Iomraidhean Croise

Edwein 116:1

Mekuro AWURADE dwirɛ, ofikyɛ watie me mbaeɛ ne me sufrɛ.

Edwein 119:57

Ao AWURADE wɔ yeɛ ɛte me kyɛfa ɔ; mehyɛ bɔ kyɛ ngoli wɔ dwirɛ ne aso.

Edwein 130:2

AWURADE, tie me mbaeɛ! Yɛ asoɛ ná tie me, tie me sufrɛ.

Edwein 142:4

Sɛ menea me sa famaa so a, menwu ye kyɛ me nwo nhia ebiala; mennya afealeɛ biala, sona biala ndwene me ngoa nwo.

Edwein 142:5

Ao AWURADE, mesu mefrɛ wɔ. Menwa, “Wɔ yeɛ ɛte m’afealeɛ ɔ, ɛte me bue deɛ wɔ ateasefoɛ aseɛ so.”

Edwein 143:1

Ao AWURADE, tie me mbaeɛ; yɛ asoɛ tie me sufrɛ; wɔ nahorɛlilɛ ɔne wɔ tenenee ti, tie m’abisadeɛ.

Edwein 16:2

Meka mekyire AWURADE kyɛ, “Wɔ yeɛ ɛte me Mene ɔ; nnne nikye paa biala, sana wɔ ngome.”

Edwein 31:14

Nakoso ao AWURADE, mafa me wora mawura wɔ nu, menwa, “Me Nyameɛ ole wɔ.”

Edwein 57:7

Ao Nyameɛ, m’ahone asiesie ye nwo, m’ahone asiesie ye nwo! Ngɔto dwein ngɔye wɔ ayɛ.

Edwein 64:1

Ao Nyameɛ, tie me mbaeɛ wɔ me dwirɛ yealɛ bɔ mekã ye anu; bɔ me ngoa nwo waen fi me pɔfoɛ nwo suronyi nu.

Edwein 91:2

okose AWURADE kyɛ, “Ɛte m’afealeɛ ne m’anwoserɛ afealeɛ, me Nyameɛ bɔ me wora wura ye nu ɔ.”

Yeremia 18:22

Ma mmenia bɛte esuɛ befi b’awuro mɔ anu, wɔ mmerɛ bɔ ɛfa koɛhonɛfoɛ kure ba bɛ so mvum nu ɔ, ofikyɛ batu kumaa kyɛ nde ndɔ nu, yeɛ basua ngaen kyɛ ɔhye me.

Awuye 3:24

Me kra nwa, “AWURADE yeɛ ɔte me bue deɛ ɔ, yiti ngɔfa me wora ngowura ye nu.”

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”