Edwein 140:3 - AHYERƐLƐ KRONGRON

³ Basi bɛ gye nnaennaen kyɛ ewoo deɛ, na ɛbɔnaa borɔ yeɛ ɔwɔ bɛ noa nu ɔ. Sela

Edwein 140:3 Iomraidhean Croise

Gyenesise 3:13

Na AWURADE Nyameɛ bisale braa ne kyɛ, “Nzikyɛ nikye yeɛ ayɔ ye?” Na braa ne buale kyɛ, “Ewoo ne yeɛ ɔlakalakale me maa nnili ɔ.”

Edwein 57:4

Gyata mɔ yeɛ me kra la b’afia ɔ. Bɛ gye te pealɛɛ ne agyaen, bɛ temverema te ngrandɛ nnaennaen.

Edwein 58:4

Bɛ noa borɔ te kyɛ ewoo deɛ ne ala, bɛte kyɛ ɛbɔnaa asotiniwaa bɔ watuatua ye so,

Edwein 59:7

Tie, edwirɛ mbiri mbiri bɔ bele bɛ noa bɛkekã ɔ, edwirɛ yealɛ bɔ otua bɛ noa ɔ, B’adwene ole kyɛ, “Nwa yeɛ ɔkɔte yɛ nga ɔ.”

Anyandera 12:18

Edwudwolɛ fumfum kora pura sona kyɛ ngrandɛ, nakoso nworɛniɛ ye noa dwirɛ de, ɔsa anwonyerɛ.

Anyandera 23:32

Nziɛ ye, ɔka wɔ kyɛ ewoo, na ye noa borɔ te kyɛ bɔnaa.

Anyandera 6:14

Ye ti anu adwene te tɛ, ɔbɔ nzɛmmɔne porɛ daa, na ɔkekã mmenia ti bobɔ nu.

Yesaya 59:13

Yato AWURADE mmeraa, yeɛ yapɛ ye ngondombo, yayakyi yɛ Nyameɛ si lilɛ, yɛ dwudwolɛ te nhyɛsoɛ ne ɛlɔenyɛlɛ, na yɛ ti anu nzusuleɛ bɔ ofite yɛ noa ne, ɔte nnakannaka.

Yeremia 9:3

Bɛkondo bɛ temverema kyɛ agyaen bɛpɛ anoanu; nna nahorɛ ɔ, na mmom ngondombopɛlɛ yeɛ wamaa batindim wɔ aseɛ ye aso ɔ, ofikyɛ bɛyɔ bɔne bɛfoa bɔne so, na bɛnze me, AWURADE noa dwirɛ ɛne.

Yeremia 9:5

Bɛ mukoraa bɛlakalaka bɛ mmango mɔ, ebiala nga nahorɛ; bɛbɔ mmɔden wɔ ngondombopɛlɛ nwo, bɛyɔ amumuyɛɛ, na ɔyɛ bɛ se kyɛ bɛkɔsakyera ɔ.

Awuye 3:62

Bɛ bɔ bedwɔso betia me ne, ate bɛ noa dwirɛ, ɔne adwene tɛɛ bɔ bɛdwene me nwo daa biala ɔ.

Mateo 12:34

Ɛmɔ, ewoo mmaa! Ɔkɔyɛ sɛɛ né ɛmɔahora bahã edwirɛ paa, wɔ aberɛ bɔ ɛmɔte bɔnefoɛ ɔ? Ofikyɛ bɔ wayi ahone nu maa wabu wafa so ne yeɛ noa ɔkã ɔ.

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.