Edwein 14:5 - AHYERƐLƐ KRONGRON

⁵ Berɛ, ahunundetelɛ kandinga kɔtɔ bɛ so, ofikyɛ Nyameɛ gyi teneneefoɛ aworɛ ndoatoasoɛ bɛ si.

Edwein 14:5 Iomraidhean Croise

Ɛseta 8:7

Yeɛ Nana Ahasuro sele Nana hemmaa Ɛseta ne Yudaniɛ Modekae kyɛ, “Ɛ́mɔtie! Mafa Haman awuro mama Ɛseta, na babɔ ye kɔme wɔ bakaa ne aso, ofikyɛ ɔbɔle Yudafoɛ bɛ ti so porɛ kyɛ okohu bɛ.

Edwein 112:2

Ye boso ama kɔyɛ titire wɔ aseɛ ye aso; teneneeniɛ ye aworɛ ndoatoasoɛ konya saleɛ.

Edwein 22:30

Aworɛ ndoatoasoɛ kɔso ye, bɛkɔhã AWURADE nwo dwirɛ bekohyire kyẽa bie ama.

Edwein 24:6

Bɛ bɔ bɛpena AWURADE si atee ne, ao Yakob Nyameɛ, bɛ bɔ bɛsɔne wɔ ne, sɔ yeɛ bɛte ɔ.

Edwein 46:11

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Edwein 46:5

Nyameɛ wɔ kuro ne afia, yiti bɛngɔhora so ngonim di; Nyameɛ kofi ngyerɛmɔ tutuutu kɔboka ye ndɛndɛ.

Edwein 46:7

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Edwein 53:5

Berɛ yeɛ esuronyi kandinga kɔtɔ bɛ so ɔ, esuronyi bɔ ebie ɔhhane bɛ le ɔ. Ofikyɛ bɛ bɔ bɛko betia wɔ ne, Nyameɛ kɔto bɛ mmowue kɔpete, ɛkɔma bɛ nyunu kogua ase, ofikyɛ Nyameɛ aye ye sa wafi bɛ bo.

Edwein 73:15

Sɛ ngane kyɛ, “Ngɔma sɔ dwirɛ nemɔ kofite me noa” a, ahaa né manni nahorɛ mamma wɔ mma aworɛ ndoatoasoɛ mɔ.

Ɛksadɔso 15:16

Ahunundetelɛ ne ɛserɛ atɔ bɛ so; ɔnate wɔ tumi asaa ne ati, bayɛ dinn kyɛ nyɔboɛ, kɔpem kyɛ, O AWURADE, wɔ mmenia kɔpɛ nu kɔhɔ ɔ, kɔpem kyɛ mmenia bɔ ale bɛ ne kɔpɛ nu kɔhɔ ɔ.

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 8:10

Ɛmɔ de, ɛmɔhɔ agyina, nakoso ɔkɔyɛ mbaen, ɛ́mɔbɔ porɛ, nakoso ɔngɔyɛ yee, ofikyɛ Nyameɛ ne yɛ yeɛ yɛwɔ berɛ ɔ.

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

1 Samuel 14:15

Ahunundetelɛ tɔlɛ ɛlɔen ne amukoraa so wɔ asikyeleɛ ne anu, ɔne eburo. Ahunundetelɛ tɔle koɛhonɛfoɛ nemɔ ne bɛ bɔ bɛbɔ apaa ne aso, aseɛ wosole, na ɛserɛ piri paa hane bɛ.