Edwein 14:3 - AHYERƐLƐ KRONGRON

³ Nakoso bɛ mukoraa bali makyebu, bɛ mukoraa adwene paa ɔnne bɛ ti anu; bɛ nu biala nne berɛ bɔ ɔyɔ bɔ ɔte paa ɔ, daabi, ko po nne berɛ.

Edwein 14:3 Iomraidhean Croise

Gyenesise 6:12

Nyameɛ neane aseɛ, na onwuni kyɛ wasɛkye, ofikyɛ né mmenia mukoraa ama bɔne ali bɛ ti wɔ aseɛ so.

YOB NWOMAA NE 14:4

Nwa yeɛ ɔkɔhora konya bɔ ye nwo te okofi bɔ ye nwo nde ɔ nu ɔ? Ebiala ngɔhora!

YOB NWOMAA NE 15:16

Né nzaade busueniɛ bɔ ye suban aporɔ, bɔ wafa amumuyɛɛ wayɛ ye nzue ne, ogyi ye sɛ!

Edwein 119:176

Mali makyebu kyɛ boaen bɔ wamini ɔ; pena wɔ somvoɛ, ofikyɛ memma me wora mvi wɔ mmeraa dwirɛ ne.

Edwein 14:1

Kwaseaa kã ye wɔ ti anu kyɛ, “Nyameɛ biala nne berɛ.” Olle adwene paa, na amumuyɛɛ bɔ ɔte akyiwadeɛ yeɛ ɔyɔ ɔ, ebiala nne berɛ bɔ ye bra te sannwuu ɔ.

Edwein 143:2

W’akoaa, nnɛfa me wura ndɛenbualɛ nu, ofikyɛ teasefoɛ biala nni be wɔ wɔ nyunu.

Edwein 38:5

Me nwo ngena batu, na bɛbo, ɔnate me ngwaseasɛm bɔ mali ne ati.

Edwein 58:3

Bɔnefoɛ befi bɛ ni akunu yeɛ bedi makyebu ɔ; befi b’aworɛ nu yeɛ bɛyɔ mvomsoɛ ɔ, na bɛnga nahorɛ.

Ɛksadɔso 12:30

Yeɛ Faro dwɔsole kɔngɔen ne, ɔne ye mbanyi mɔ amukoraa ne Misraimfoɛ amukoraa, na awuyebɔlɛ piri paa wale Misraim, ofikyɛ awuro biala nne berɛ bɔ sona anwu nu ɔ.

Ɛksadɔso 8:31

AWURADE yɔle bɔ Mose srɛle ye ne. Ɔmane nwɔsea pembepembe paa ne fili Faro ne ye mbanyi ne ye mmenia so hɔle, bɔ ko po anga berɛ ɔ.

Nworɛ Dwirɛhanɛniɛ 7:20

Nahorɛ nu, sona biala nne aseɛ ye aso bɔ ye de ɔtengyɛ, ɔyɔ paa ngome, bɔ ɔnyɔ bɔne ɔ.

Nworɛ Dwirɛhanɛniɛ 7:29

Tie, ɛhe angome yeɛ manwu ye ɔ: Nyameɛ bɔle kuro sona ferengyemm, nakoso kuro sona ama nningyein pee bo telɛ ali ye ti.

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Yesaya 64:6

Yɛ mukoraa yayɛ kyɛ nikyee bɔ ye nwo nde ɔ, na yɛ tenenee amukoraa ɔte kyɛ ndangurɛ fiɛ; yɛ mukoraa yɛkese kyɛ nyaa, na yɛ amumuyɛɛ pia yɛ kɔ kyɛ mvrama.

Yeremia 2:13

Ofikyɛ me maen abɔ musue nyɔ: bapo me, me bɔ nde ngoa nzue mbombonzue ne, yeɛ baatu bɛ bɔbɔ b’abura mɔ, abura bɔ ye nwo adwudwa, bɔ nzue ngora nu gyina ɔ.

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Romanfoɛ 3:23

Ofikyɛ mmenia mukoraa bayɔ bɔne, na Nyameɛ animnyam abɔ bɛ.

1 Korintofoɛ 6:5

Meka ɛhe ma ɛmɔfɛre. Aso nworɛniɛ komapɛ po nne ɛmɔ nu bɔ ɔkɔhora kosiesie aliɛmaa ne aliɛmaa b’afia dwirɛ ɔ,

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

Ɛfesofoɛ 2:3

Na sɔ nningyein nemɔ anu yeɛ daa ne, yɛ mukoraa yɛfale so yɛbɔle yɛ bra wɔ anwoɔnaen akɔnnɔ nu, ná yɛlili anwoɔnaen ne adwene apɛdeɛ si ɔ; na kyɛbɔ yɛ sue te ne, yɛyɛle mmenia bɔ Nyameɛ ahone ahu bɛ so ɔ, kyɛ mmenia bɔ baha ne ala.

Deuteronomi 1:35

‘Sɔ bɔne aworɛ ndoatoasoɛ he, nu sona ko po ngonwu aseɛ paa bɔ ndale ndaen kyɛ ngɔfa ngɔma ɛmɔ nana mɔ ne,