Edwein 14:2 - AHYERƐLƐ KRONGRON

² AWURADE to ye nye fi nyameɛso ɔnea adasa mmaa, kyɛ aso okonwu ebie bɔ ɔse nworɛ, bɔ ɔpena Nyameɛ si atee ɔ.

Edwein 14:2 Iomraidhean Croise

Gyenesise 11:5

AWURADE dwu wale ase ɔɔneane kuro ne abandenden bɔ né mmenia mmaa bési ne.

Gyenesise 18:21

ngodwu ngɔɔnea sɛ bɔ bayɔ ne, ye nwo abubue yeɛ waadwu me nyunu ne anaa. Na sɛ nna sɔ yeɛ ɔte hɔ a, ngonwu ye.”

Gyenesise 6:12

Nyameɛ neane aseɛ, na onwuni kyɛ wasɛkye, ofikyɛ né mmenia mukoraa ama bɔne ali bɛ ti wɔ aseɛ so.

2 Aberɛso Dwirɛ 19:3

Nakoso banwu paa kãa wɔ wɔ nu, ofikyɛ etutuli bosoen Asera dosii bo fili aseɛ ne aso, ná asi w’adwene pi kyɛ ɛkɔpena Nyameɛ si atee.”

2 Aberɛso Dwirɛ 30:19

ebiala bɔ waye ye ahone nu kyɛ ɔkɔso Nyameɛ, AWURADE ye nana mɔ Nyameɛ ne, ɔ́fa ye bɔne ɔ́hyɛ ye, ɔwɔ nu kyɛ wamva nekaa krongron berɛ nhyehyɛleɛ ne aso wambete ye nwo de.”

YOB NWOMAA NE 15:14

Dasaniɛ ole nwa bɔ ye nwo kora te ɔ? Sona beni yeɛ brasua awo ye bɔ ɔtengyɛ ɔ?

Edwein 107:43

Ebiala bɔ ɔse nworɛ ne, odi kyɛ ɔdwene sɔ edwirɛ hemɔ anwo, odi kyɛ ɔdwene AWURADE ɔdɔ bɔ onni ngasi ne anwo yee.

Edwein 11:4

AWURADE wɔ ye asɔneyɛɛ sua krongron ne anu; AWURADE ahennie bia ne wɔ nyameɛso. Ye nye tua ebiala, na ɔkari adasa mmaa bɛ yɔleɛ nea.

Edwein 69:32

Anwobrɛaseɛfoɛ bekonwu ye na bɛ nye kɔgye; ɛmɔ bɔ ɛmɔpena Nyameɛ si atee ne, ɛ́mɔma ɛmɔ wora ɔ́kyekye.

Edwein 82:5

Belle nimdeɛ, yeɛ belle ndeaseɛ, bɛnate awosii nu; aseɛ fapem amukoraati ɔwoso.

Edwein 92:6

Sona kwaseaa de, ɔnze, sona bɔ wagyimi de, ɔnde ɛhe abo:

Anyandera 2:9

Na afei ɛkɔte tenenee, nahorɛlilɛ, pɛpɛɛpɛyɛlɛ ne atee bɔ ɔte paa biala bo.

Anyandera 8:5

Ɛmɔ bɔ ɛmɔ adwene te nganga ɔ, odi kyɛ ɛmɔma ɛmɔ adwene nu bukye, ɛmɔ, ngwaseafoɛ, ɛ́mɔsua nworɛ.

Anyandera 9:16

“Wɔ bɔ w’adwene te kãa ne, makye fa wa oo!” Na bienzua bɔ ɔnze nworɛ ne, braa ne kã kyire ye kyɛ,

Anyandera 9:4

“Wɔ bɔ w’adwene te kãa ne, makye fa wa!” Sona bɔ ɔpena ndeaseɛ ne, nworɛ kã kyire ye kyɛ,

Yesaya 27:11

Sɛ ye mmaen frɔmfrɔm nemɔ bewu a, bebubu begua, na mmrasua basesa bɛfa bɛyɛ eyein. Ofikyɛ bɛte maen bɔ ndeaseɛ abɔ bɛ ɔ; ye sɔ ne ati, bɔ ɔbɔle bɛ ne ngonwu bɛ anwumvoin, bɔ ɔnwone bɛ ne ɔngɔlo bɛ.

Yesaya 55:6

“Ɛ́mɔpena AWURADE si atee, mmerɛ bɔ ɛmɔpena ye a ɛmɔkonwu ye ɔ, ɛ́mɔfa ɛmɔ dwirɛ bɛ́to ye nyunu, mmerɛ bɔ opingye ɛmɔ ɔ.

Yesaya 63:15

To wɔ nye fi nyameɛso nea, to wɔ nye fi wɔ krongron ne w’animnyam atenaleɛ berɛ nea. Wɔ nungunɛ ne w’anwoserɛ ne, ɔwɔ nisua? Wɔ kunu tetelɛ ne w’anwumvoinnwunɛ ne, aye afi me nwo anaa?

Yesaya 64:1

O, sɛ ahaa ekosunzua ewienu nu ná ekodwu ase maa mmokaa kopusu wɔ wɔ nyunu a!

Yesaya 8:19

Na sɛ mmenia kã kyire ɛmɔ kyɛ, “Nzamangɔmhyɛlɛfoɛ ne ahɔmeɛ bɔ bɛ dwudwolɛ te katekate ne boborɔboborɔ ne, ɛmɔhɔ bɛ so abisa” a, aso nna maen bɛ Nyameɛ berɛ yeɛ odi kyɛ bebisa nikye ɔ? Aso odi kyɛ bebisa ateasefoɛ ti wɔ awufoɛ berɛ anaa?

Yeremia 4:22

Ofikyɛ me maen te mmenia ngwaseafoɛ, bɛnze me; bɛte mmaa bɔ bagyimi, bɔ belle nimdeɛ koraa ɔ. Babe wɔ bɔne yɔlɛ nu, nakoso nikye paa de, bɛnze ye yɔ.

Yeremia 5:1

Ɛ́mɔtu amirika beli Yerusalem mmorɔnoɛ so akɔneaba, ɛ́mɔtoto bɛ nye bɛ́nea nningyein yé! Ɛ́mɔneanea ye dwaa nemɔ aso bɛ́nea, sɛ ɛmɔkonwu sona ko po bɔ ɔyɔ bɔ ɔtengyɛ ɔ, bɔ ɔpena nahorɛ si atee ɔ, amaa ɔnate so mafa Yerusalem bɔne mahyɛ ye.

Awuye 3:50

kɔpem kyɛ AWURADE kɔto ye nye kofi nyameɛso kɔnea ase ɔ.

Daniel 12:10

Bɛkɔte mmeni pee nwo bɛkɔyɛ bɛ nwo fitaa kɔma bɛ nwo kɔyɛ sannwuu; nakoso bɔnefoɛ de, bɔ ɔtte mayee yeɛ bɛkɔyɔ ɔ, na bɔnefoɛ nemɔ anu biala ngɔte ye bo; nakoso badwemmafoɛ de, bɛkɔte ye bo.

Mateo 13:15

Ofikyɛ maen he b’adwene ala; bɛ so anu ayɛ se, yeɛ bamuamua bɛ nye. Wamma ye sɔ a, bɛ nye konwu nikye, bɛ so kɔte dwirɛ, bɛkɔfa b’adwene bɛkɔte ye bo, ná basa bawa me berɛ maa masa bɛ anwonyerɛ.’

Romanfoɛ 3:11

sona biala nne berɛ bɔ ole ndeaseɛ ɔ. Ebiala nne berɛ bɔ ɔpena Nyameɛ si atee ɔ.

Hebrifoɛ 11:6

Ebiala bɔ olle gyidie ne, ɔngora nzɔ Nyameɛ nye, ofikyɛ odi kyɛ ebiala bɔ ɔba Nyameɛ berɛ ne onya gyidie kyɛ Nyameɛ wɔ berɛ, na oyira bɛ bɔ bɛ nye aboro bɛpena ye boso ɔ.