Edwein 14:1 - AHYERƐLƐ KRONGRON

¹ Kwaseaa kã ye wɔ ti anu kyɛ, “Nyameɛ biala nne berɛ.” Olle adwene paa, na amumuyɛɛ bɔ ɔte akyiwadeɛ yeɛ ɔyɔ ɔ, ebiala nne berɛ bɔ ye bra te sannwuu ɔ.

Edwein 14:1 Iomraidhean Croise

Gyenesise 6:5

Afei AWURADE nwuni kyɛ kuro sona amumuyɛɛ asone pee wɔ aseɛ ye aso, na nzusuleɛ tɛɛ ngome ayi ye ti anu tɛkyɛ daa.

YOB NWOMAA NE 15:16

Né nzaade busueniɛ bɔ ye suban aporɔ, bɔ wafa amumuyɛɛ wayɛ ye nzue ne, ogyi ye sɛ!

YOB NWOMAA NE 22:13

Nakoso ɛnwa: ‘Nyameɛ ɔse nzu? Awosii kabii ye, aso okonwu yɛ kobua yɛ ndɛen?

Edwein 10:4

Bɔnefoɛ ye anwomasoɛ maa ɔmbena Nyameɛ si atee; ye adwene amukoraa ole kyɛ, “Nyameɛ biala nne berɛ.”

Edwein 107:17

Ebiemɔ yɛle ngwaseafoɛ ɔnate bɛ mmeraatolɛ ti, na ɔnate b’amumuyɛɛ ti benwuni amaneɛ.

Edwein 53:1

Kwaseaa kã ye wɔ ye ti anu kyɛ, “Nyameɛ biala nne berɛ.” Belle adwene paa, na amumuyɛɛ bɔ ɔte akyiwadeɛ yeɛ bɛyɔ ɔ, ebiala nne berɛ bɔ ɔyɔ bɔ ɔte paa ɔ.

Edwein 73:3

Ofikyɛ me nye borole mmeraatolɛfoɛ, mmerɛ bɔ nwuni bɔnefoɛ bɛ ngɔsoɛ ne.

Edwein 92:6

Sona kwaseaa de, ɔnze, sona bɔ wagyimi de, ɔnde ɛhe abo:

Anyandera 1:22

“Ɛmɔ bɔ ɛmɔ adwene te nganga ɔ, ɛmɔpena kyɛ ɛmɔ adwene yɛ nganga kodwu kyinzu? Ngorohoɛfoɛ nye kɔgye bɛ ngorohoɛ nwo koodwu kyinzu? Yeɛ ngwaseafoɛ kohyi nimdeɛ koodwu kyinzu?

Anyandera 1:7

AWURADE surolɛ yeɛ ɔte nimdeɛnyanɛ ye bohyɛlɛ ɔ, na ngwaseafoɛ de, bɛmva nworɛ ne ngyerɛkyerɛ bɛnyɛ huu.

Anyandera 13:19

Sɛ wɔ sa kã bɔ ɛpena a, ɔyɛ wɔ kra fɛ, na ɔte ngwaseafoɛ akyiwadeɛ kyɛ bɛkɔhwe bɛ nwo bekofi bɔne nwo ɔ.

Anyandera 27:22

Sɛ ɛfa dwɔmaa si kwaseaa ɛfra aburoo wɔ duwaa nu po a, ye gyiminɛ ne ngofi ye nu ngotu.

Nworɛ Dwirɛhanɛniɛ 7:20

Nahorɛ nu, sona biala nne aseɛ ye aso bɔ ye de ɔtengyɛ, ɔyɔ paa ngome, bɔ ɔnyɔ bɔne ɔ.

Yesaya 1:4

Ao, maen bɔ bɔne ayi nu tɛkyɛ ɔ! Mmenia bɔ amumuyɛɛ ali bɛ ti ɔ! Bɔnefoɛ mɔ bɛ bosofoɛ! Mmaa bɔ basɛkye ɔ! Bɔ bapo AWURADE, bɔ babu Yisrael Krongronniɛ ne animtia, ná bakakyi bɛ si bama ye ɔ!

Yeremia 5:12

Bapɛ AWURADE nwo ngondombo, na bahã kyɛ, ‘Ɔngɔyɔ huu, edwirɛ tɛɛ biala ngɔto yɛ, koɛ ngɔto yɛ, yeɛ ɛhɔen koso ngɔwa.

Yeremia 6:28

Bɛ mukoraa bɛte asoserɛfoɛ bɔ bayɛ lɔen ɔ, bɛnate bedi nzekure; bɛte kɔɔbere ne buralɛ, bɛ mukoraa bɛte ngondombofoɛ.

Mateo 12:34

Ɛmɔ, ewoo mmaa! Ɔkɔyɛ sɛɛ né ɛmɔahora bahã edwirɛ paa, wɔ aberɛ bɔ ɛmɔte bɔnefoɛ ɔ? Ofikyɛ bɔ wayi ahone nu maa wabu wafa so ne yeɛ noa ɔkã ɔ.

Mateo 15:19

Ofikyɛ ahone nu yeɛ adwenemmɔne, awuelilɛ, agyaasɛkyelɛ, adwamanbɔlɛ, awue, adanzewia ne musue dwirɛ fi ba ɔ.

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

Ɛfesofoɛ 2:12

Ɛ́mɔkaye kyɛ, sɔ mmerɛ ne, né ɛmɔ ne Kristo b’afia atete; né ɛmɔte amanvrafoɛ bɔ bɛnga ɛmɔ bɛmmoka Yisrael maen mmaa so ɔ; né ɛmɔte ɛwɔfoɛ wɔ apam bɔhyɛ ahoroɔ ne anwo, bɔ né ɛmɔlle anyelasoɛ biala, bɔ né ɛmɔlle Nyameɛ wɔ wiase ɔ.

Tito 1:16

Bekyire kyɛ bɛse Nyameɛ, nakoso bɛfa bɛ yɔleɛ bɛpo ye; bɛte akyiwadeɛyɔlɛ mmenia, asoserɛfoɛ, bɔ bɛngora bɛnyɔ nikye paa biala ɔ.

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

1 Samuel 25:25

Me mene, sɔ Nabal he bɔ ye suban ɔtte mayee he, nnɛfa ye dwirɛ yɛ dwirɛ; ofikyɛ ye suban te kyɛ ye dumaa ne ala. Ye dumaa li Egyiminɛ, na egyiminɛ bata ye. Nakoso me mene, w’afaneɛ de, wɔ mmerandeɛ bɔ ɛsomane bɛ ne, mannwu bɛ.