Edwein 139:21 - AHYERƐLƐ KRONGRON

²¹ Ao AWURADE, bɛ bɔ bɛpɔ wɔ ne, aso membɔ bɛ? Na bɛ bɔ bedwɔso betia wɔ ne, aso bɛ nwo nyɛ me ahi?

Edwein 139:21 Iomraidhean Croise

2 Aberɛso Dwirɛ 19:2

Na Hanani awa Yehu bɔ ɔte sona bɔ ɔse ase ne, ɔhɔ ooyiale Nana Yehosafate, na Yehu bisale ye kyɛ, “Aso odi kyɛ ɛboka amumuyɛɛniɛ, ná bɛ bɔ bekyi AWURADE ne, ɛne bɛ tu nu anaa? Ɔnate ye sɔ ti, AWURADE yaafɛlɛ piri awa wɔ so.

Edwein 119:136

Mebɔ me nye a, ɛmoen ngome tatatata, ofikyɛ mmenia nni wɔ mmeraa ne aso.

Edwein 119:158

Menwu bɛ bɔ benni wɔ dwirɛ ne aso ne a, né bɛ nwo yɛ me ahi, ofikyɛ benni wɔ mmeraa so.

Edwein 15:4

Sɔ sona ne, amumuyɛɛfoɛ bɛla ye nye so mbaen, na ɔfa anidie ma bɛ bɔ besuro AWURADE ɔ. Sɛ ɔta ndaen ma ye nwo kyere ye po a, ommu so;

Edwein 26:5

Mekyi kyɛ me ne bɔnefoɛ yɛkɔbɔ dwaa ɔ, na me ne nzɛmmɔnefoɛ yɛngɔtena yɛngɔbɔ nu.

Edwein 31:6

Mekyi bɛ bɔ bɛso mmosoen bɔ bɛ nwo olle mvasoɛ biala ɔ, nakoso me de, me wora wura AWURADE nu.

Yeremia 13:17

Nakoso sɛ ɛmɔngotie de a, ɔnate ɛmɔ anwomasoɛ ti, me kra kosũ wɔ mvealeɛ nu; me nye kohwi moen pupuropupuro, na me nye kɔporo moen, ofikyɛ bahye AWURADE mmoaen kure ne nnure bahɔ.

Marko 3:5

Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Luka 19:41

Na opingyele kuro ne, ná ɔtole ye nye neane ye nen, osũ mane ye kyɛ,

Nyekyire 2:2

Mese wɔ nnwumaa, wɔ fɛɛ ne w’animia, ɔne kyɛbɔ ɛngora nzosɔ bɔnefoɛ so, ná mmom aso bɛ bɔ bɛnwa bɛte asomafoɛ nakoso bɛtte asomafoɛ ɔ anea, na anwu bɛ kyɛ bɛte ngondombofoɛ.

Nyekyire 2:6

Nakoso ayɔ paa he, kyɛ ekyi Nikolatafoɛ nnwumaa bɔ me koso mekyi ne.