Edwein 139:2 - AHYERƐLƐ KRONGRON

² Ɛse m’asetenalɛ ne me dwɔsolɛ mmerɛ; na enwu me ti anu adwene fi dedeede.

Edwein 139:2 Iomraidhean Croise

Gyenesise 16:13

Yiti Hagar frɛle AWURADE bɔ odwudwo hyirele ye ne kyɛ, “Ɛte Nyameɛ bɔ enwu nikye ɔ”, na Hagar hane kyɛ, “Aso manwu AWURADE yeɛ ndɛ te ase ye?”

2 Ahemvo 19:27

“ ‘Nakoso mese wɔ nyunu ne wɔ si, mese wɔ hɔlɛ ne wɔ walɛ, ɔne wɔ yaa piri bɔ afɛ ye me so ne.

2 Ahemvo 6:12

Yeɛ ye mbanyi nemɔ ko buale kyɛ, “Me mene, Nana, nna yɛ nu biala ɔ, na mmom Yisrael ngɔmhyɛlɛniɛ Elisa ɔ. Ye yeɛ edwirɛ bɔ ekosusu ye nwo wɔ wɔ pumbu nu ne, ɔkã kyire Yisrael hene ɔ.”

Edwein 44:22

Ɔnate wɔ ti beku yɛ daa biala, na bebu yɛ kyɛ mmoaen bɔ bɛfa bɛ bɛkɔ akumyɛɛ ɔ.

Edwein 56:8

Wɔ yeɛ anwu aworabɔlɛ worawora bɔ medi ɔ, fa wɔ towaa ne sɔ me nye moen. Aso ɔnne wɔ ngrataa nu anaa?

Edwein 94:11

AWURADE se kuro sona ti anu adwene, kyɛ ɔte kyɛ nwomeɛ mbaen.

Anyandera 15:3

AWURADE nye wɔ nekaa biala, na ɔnea bɔnefoɛ ne mmeni paa.

Yesaya 37:28

“ ‘Mese w’asetena nu dwirɛ, wɔ hɔlɛ ne wɔ walɛ, ɔne wɔ yaa piri bɔ afɛ ye me so ne.

Hesekiel 11:5

Yeɛ AWURADE Sunzum wale me so, na osele me kyɛ, “Kã kyɛ AWURADE nwa nyoo: O Yisrael awuro ama, bɔ ɛmɔkã hɔ ɛne, ofikyɛ mese ɛmɔ ti anu adwene biala.

Hesekiel 38:17

“AWURADE Nyameɛ nwa nyoo: Aso wɔ ole bɔ mvale me somvoɛ mɔ bɔ bɛte Yisrael ngɔmhyɛlɛfoɛ so ngane ye nwo dwirɛ daa tete ne, bɔ bɛhyɛle ngɔm sɔ mmerɛ ne afoɛ pee, kyɛ ngɔfa wɔ ngɔwa maa ɛkɔɔfa koɛ kɔtoa bɛ ne anaa?

Sakaria 4:10

Na adwuma ne bohyɛlɛ kaaba ne, ebiala bɔ wabu ye animtia ne, okoli ahurusi, mmerɛ bɔ okonwu kyɛ Serubabɛl otira nyamaa bɔ bɛfa bɛtengyɛtengyɛ sua wɔ ye sa nu ne. Na kanea nzoo hemɔ te AWURADE nye mɔ bɔ bɛbɔ mborɔkaa wɔ aseɛ so amukoraa ɔ.”

Mateo 9:4

Nakoso Yesu nwuni b’adwene, na ɔhane kyɛ, “Nzu ati yeɛ ɛmɔdwene adwene tɛɛ sɔ ɔ?

Luka 9:47

Na Yesu nwuni bɛ ti anu adwene nen, ɔfale akwadaa bie oogyinane ye nwo berɛ,

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

Deuteronomi 31:21

Na sɛ musue ne amaneɛ pee toto bɛ a, sɔ dwein he koli adanzeɛ kotia bɛ, ofikyɛ ongofi bɛ bosofoɛ ti anu. Na aseɛ bɔ ndale ndaen kyɛ ngɔfa ngɔma bɛ ne, anzana ngɔfa bɛ ngoodwu so ne po, mese porɛ horɛ bɔ kekesaala ye babɔ ye bɛ ti anu ɔ.”