Edwein 137:3 - AHYERƐLƐ KRONGRON

³ Ofikyɛ bɛ bɔ bɛhyele yɛ nnure ne, berɛ yeɛ besele yɛ kyɛ yɛto dwein ɔ, na bɛ bɔ bɛteetee yɛ ne, besele yɛ kyɛ yɛgyegye bɛ nye. Bɛnwa: “Sion dwein ne, ɛ́mɔto ko behyire yɛ!”

Edwein 137:3 Iomraidhean Croise

1 Aberɛso Dwirɛ 15:27

Né Dawide hera nwera tena nyemene. Lewifoɛ amukoraa bɔ bɛso alaka ne, edweintolɛfoɛ nemɔ, ɔne Kenania bɔ ɔkenga edwein ma edweintolɛfoɛ ne, sɔ tena ne ala bie yeɛ né ɔhera bɛ ɔ. Na Dawide wurale asɔfo ataadeɛ bɔ ɔte nwera ɔ.

1 Aberɛso Dwirɛ 16:7

Afei sɔ kyẽa ne, edwein bɔ bɛto bɛye AWURADE ayɛ ne, Dawide lili moa ɔfa wurale Asafe ne Asafe mmango Lewifoɛ nemɔ bɛ sa.

Nehemia 4:2

na ɔhane wɔ ye mmango nemɔ ɔne Samaria koɛhonɛfoɛ nemɔ anyunu kyɛ, “Yudafoɛ bɔ bɛ nwo anwumvoin hemɔ, nzikyɛ yeɛ bɛyɔ ye? Aso bekosa bɛkɔtoto nningyein ye anaa? Aso bɛkɔbɔ afɔleɛ anaa? Aso bekoyie adwuma ye ɛlɛho? Nyɔboɛ bɔ wadwiri wagua wahonhɔn wahɔ anwuro bɔ see ayera ye ye, aso bekonya nyɔboɛ bekofi nu?”

Edwein 65:1

Ao Nyameɛ, ayɛyelɛ fata wɔ wɔ Sion, na wɔ yeɛ bekotua aboadeɛ bɛkɔma wɔ ɔ’.

Edwein 79:1

Ao Nyameɛ, maen maen mɔ bafa koɛ baateta w’agyapadeɛ, bafa efiɛ bahã w’asɔneyɛɛ sua krongron ne, babɔ Yerusalem kuro ne.

Edwein 80:6

Maen maen bɔ bapɛ yɛ nwo bayia ne, amaa bedi yɛ nwo apereapereɛ, na yɛ pɔfoɛ mɔ bɛsere yɛ.

Edwein 9:14

amaa ɔnate so mabɔ w’ayɛyelɛ amukoraa nwo dawure. Na ɔnate elelɛ bɔ ale me ne ati, ngoli ahurusi wɔ Sion awa brasua pambim ne anu.

Anyandera 25:20

Sɛ ɛto dwein kyire ebie bɔ ye wora abɔ a, ɔte kyɛ apa wɔ nwo tena wɔ ɛyerɛ mmerɛ nu, anaa ɔte kyɛ nzaa kekarekekare bɔ afa agua kena nu ɔ.

Yesaya 35:10

Bɛ bɔ AWURADE apɔ bɛ wafi ngoaasolɛ nu ne, bekosa bɛkɔwa, bɛkɔfa edweintolɛ yeɛ bɛkɔwa Sion ɔ, bekonya anigye bɔ olle ayieleɛ ɔ, bɛ nye kɔgye, bekoli ahurusi, na aworabɔlɛ ne yealɛlilɛ kotu komini.

Yesaya 51:11

Na bɛ bɔ AWURADE aapɔ bɛ ne, bekosa bɛkɔwa, bɛkɔfa ahurusililɛ bɛkɔwa Sion, anigye afebɔɔ kɔyɛ b’abotire; bekonya anika ne anwosɛpɛ, na aworabɔlɛ ne yealɛlilɛ kotu kofi bɛ so.

Yeremia 26:18

“Moreseteniɛ Mika hyɛle ngɔm wɔ Yuda hene Hesekia aberɛ so, na osele Yudafoɛ amukoraa kyɛ, ‘Bɔ Asafo AWURADE kã ɛhe: Bekofundam Sion kyɛ eboo, Yerusalem kɔkakyi esire esire, na bokaa bɔ awuro ne gyi so ne, ɔkakyi ɛhɔayeɛ.’

Yeremia 9:11

Ngɔma Yerusalem kɔkakyi esire sire, ɛserɛ so ngyea atenaleɛ; ngɔma Yuda nguro kɔkakyi kurofoen, bɔ sona biala nne so ɔ.”

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Luka 21:6

“Ɛhemɔ bɔ ɛmɔnwu ye e, mmerɛ bie kɔwa bɔ bɛngɔyakyi nyɔboɛ bɔ ogyi nyɔboɛ so ɔ wɔ wa bɔ bengodwiri bengogua ase ɔ.”