Edwein 135:7 - AHYERƐLƐ KRONGRON

⁷ Ye yeɛ ɔma munungum fi aseɛ noa dɔ kɔ anwuro ɔ; esue tɔ a, ɔma agralaa tete, na ɔma mvrama tu fi nekaa bɔ osie ye nningyein ne.

Edwein 135:7 Iomraidhean Croise

1 Ahemvo 18:1

Nziɛ ye, afoɛ bɔ ɔtɔ so nza ne anu, AWURADE lale ye dwirɛ ali hyirele Elia kyɛ, “Fa wɔ nwo kohyire Ahabo, na ngɔma esue kɔtɔ kogua aseɛ ye aso.”

YOB NWOMAA NE 5:10

Ye bɔ ɔma esue tɔ gua aseɛ so, ná oguagua fieso so nzue ne,

Edwein 107:25

Ofikyɛ ɔhyɛle mvrama piri maa otuli, na mvrama ne mane ɛpo asorɔkye pagyale.

Edwein 148:8

see ne asukɔtwea nyɔboɛ, asukɔtwea ne ɛborɔ, mvrama bɔ otu serɛserɛ di Nyameɛ ahyɛdeɛ so ɔ,

Edwein 78:26

Ɔmane eyia afiteleɛ mvrama bɔle wɔ ewienu, na ɔnate ye tumi so mane ngwaen dɔ mvrama bɔle.

Yeremia 10:13

Ɔma ye komvi so a, esue bobɔ nu wɔ ewienu, ɔma tutue fi aseɛ noa dɔ tu kɔ anwuro; esue tɔ a, ɔma agralaa tete, na ɔma mvrama tu fi nekaa bɔ osie ye nningyein ne.

Yeremia 14:22

Amaenmaenso mmosoen nemɔ, aso bɛ nu bie kɔhora kɔma esue kɔtɔ? Anaa ewienu kɔhora kɔma esue kɔnyenenyene? Ao AWURADE yɛ Nyameɛ, aso nna wɔ ɔ? Ye sɔ ne ati, yafa yɛ wora yawura wɔ nu, ofikyɛ wɔ yeɛ ɛyɔ ɛhemɔ amukoraa ɔ.

Yeremia 51:16

Ɔbɔ nu kurudududu a, nzue pee ba ewienu, ɔma tutue fi aseɛ noa dɔ tu kɔ anwuro; esue tɔ a, ɔma agralaa tete, na ɔma mvrama tu fi nekaa bɔ osie ye nningyein ne.

Yona 1:4

Nakoso AWURADE somane mvrama bie bɔ ye noa yɛ hye ɔ maa otu fale ɛpo ne aso, na mvrama piri tu fale ɛpo ne aso, bɔ né ɛlɛen ne ɔpena odwudwa ɔ.

Sakaria 10:1

Odi kyɛ ɛmɔsrɛ AWURADE maa ɔtɔ esue wɔ bamborɔ mmerɛ nu; AWURADE bɔ ɔma esue muna ne, ye yeɛ ɔma esue tɔ pee ma mmenia ɔ, na ɔtɔ ma ebiala maa onya fieso aleɛ.

Yohane 3:8

Mvrama bɔ kɔ nekaa bɔ okuro ɔ, na ɛte ye nga; nakoso ɛnze nekaa bɔ ofi ba ɔ, anaa nekaa bɔ ɔkɔ ɔ. Sɔ ala yeɛ ebiala bɔ bawo ye Sunzum nu ne ɔte ɔ.”