Edwein 135:4 - AHYERƐLƐ KRONGRON

⁴ Ofikyɛ AWURADE aneanea nu waye Yakob wama ye nwo, wafa Yisrael wayɛ ye bɔbɔ ye agyapadeɛ.

Edwein 135:4 Iomraidhean Croise

Edwein 105:6

O, ye somvoɛ Abraham boso ama, Yakob boso ama bɔ waneanea nu waye bɛ ɔ.

Edwein 33:12

Maen bɔ AWURADE te ye Nyameɛ ne, wanya saleɛ. Ɔte maen bɔ waneanea nu waye ye maa wayɛ ye agyapadeɛ ɔ.

Yesaya 41:8

Nakoso wɔ, me somvoɛ Yisrael, Yakob bɔ maneanea nu maye wɔ ɔ, me damvo Abraham bosoniɛ;

Yeremia 51:19

Yakob ye bue deɛ de, ɔtte kyɛ sɔ nningyein nemɔ, ofikyɛ ye de, ye yeɛ ɔyɔle nningyein amukoraa ɔ. Yisrael te abusua kure bɔ ɔte ye agyapadeɛ ɔ, na ye dumaa ole Asafo AWURADE.

Malaki 3:17

Asafo AWURADE nwa nyoo: Kyẽa bɔ ngobua ndɛen ne, bɛkɔyɛ me bɔbɔ me deɛ, na ngonwu bɛ anwumvoin kyɛbɔ seɛ onwu ɔwa bɔ ɔso ye ɔ anwumvoin ɔ.

Deuteronomi 10:15

nakoso AWURADE fale wɔ nana mɔ ngome wurale ye kunu, na ɔneaneane nu yele ɛmɔ bɔ bɛte bɛ bosofoɛ ne fili mmenia mukoraati nu, kyɛbɔ kekesaala ye ɔte ye.

Deuteronomi 26:18

Ɛnɛ kyẽa ye, AWURADE aha afa wɔ nwo kyɛ, ɛkɔyɛ ye bɔbɔ ye maen, kyɛbɔ ɔhyɛle wɔ bɔ ne, yiti ɔsɛ kyɛ edi ye mmeraa dwirɛ mukoraati so.

Deuteronomi 32:9

Na AWURADE de, ye kyɛfa ole ye mmenia, Ye agyapadeɛ ole Yakob.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

1 Samuel 12:22

Na ɔnate AWURADE dumaa piri ne ati, ɔngɔye ye sa ngofi ye mmenia bo, ofikyɛ ɔyɛle AWURADE fɛ kyɛ ɔkɔfa ɛmɔ kɔyɛ ye mmenia ɔ.