Edwein 135:14 - AHYERƐLƐ KRONGRON

¹⁴ Ofikyɛ AWURADE kobua ye maen be, na okonwu ye somvoɛ mɔ anwumvoin.

Edwein 135:14 Iomraidhean Croise

1 Aberɛso Dwirɛ 21:15

Na Nyameɛ somane abɔfo maa ɔhɔle Yerusalem kyɛ ɔɔbɔ kuro ne. Na mmerɛ bɔ abɔfo ne yɛle kyɛ ɔbɔ kuro ne nen, AWURADE neane, na ɔsesane ye adwene wɔ kuro ne bɔlɛ ne anwo, na osele abɔfo bɔ ogu so ɔbɔ kuro ne kyɛ, “Wayɛ yé! Yakyi.” Sɔ mmerɛ ne, né AWURADE abɔfo ne ogyi Yebusiniɛ Ɔnan ye nekaa bɔ bɛboro aburoo ne.

Edwein 50:4

Ɔfrɛ nyameɛso bɔ ɔwɔ anwuro, ɔne aseɛ, kyɛ bɛɛnea kyɛ obua ye maen ndɛen ɔ.

Edwein 7:8

AWURADE kobua maen maen mɔ ndɛen. Ao AWURADE, nea me tengyɛlɛ so ɔne nahorɛ bɔ medi so, ná di me dwirɛ ma me.

Edwein 90:13

Ao AWURADE, sa baanea yɛ! Okoodwu kyinzu? Nwu wɔ somvoɛ mɔ anwumvoin!

Edwein 96:13

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, na ɔkɔfa ye nahorɛlilɛ yeɛ okobua maen maen mɔ ndɛen ɔ.

Amose 7:3

AWURADE hwe sale, “Ɔngɔwa ye sɔ,” AWURADE noa dwirɛ ɛne.

Amose 7:6

AWURADE hwe sale: “Ɔngɔwa ye sɔ,” AWURADE Nyameɛ noa dwirɛ ɛne.

Yona 4:2

Na ɔbɔle mbaeɛ bisale AWURADE kyɛ, “Ao AWURADE, mesrɛ wɔ, mmerɛ bɔ né nwɔ me maen nu ne, aso nna edwirɛ he yeɛ ngane ɔ? Ye sɔ ti yeɛ nwatili kyɛ ahaa mekɔ Tasise ne, ofikyɛ mese kyɛ ɛte Nyameɛ bɔ ɛdo mmenia ná ɛse anwumvoin ɔ, w’ahone nhu ndɛ, wɔ ɔdɔ bɔ onni ngasi ne ɔte piri, na ɛsesã w’adwene wɔ musue bɔ ɛbaafa ba ɔ nwo.

Deuteronomi 32:36

Amba, AWURADE kobua ye mmenia be, okonwu ye ngoaa anwumvoin, mmerɛ bɔ okonwu kyɛ b’anwoserɛ ayie, bɔ ebiala nne berɛ bɔ waha, bɔ ɔte akoaa anaa dehyeɛ ɔ.

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.