Edwein 135:12 - AHYERƐLƐ KRONGRON

¹² na ɔfale b’aseɛ ne kakyili agyapadeɛ, ɔfa kakyili agyapadeɛ mane ye maen Yisrael.

Edwein 135:12 Iomraidhean Croise

Edwein 78:55

Ɔfoane maen maen mɔ fili bɛ nyunu; ɔhyɛle b’aseɛ maa bɛfa bɛyɛle b’agyapadeɛ, na ɔmane Yisrael mmusua kure nemɔ bɛtenatenane b’ɛtena sua nemɔ anu.

Numeri 33:54

Na ɛ́mɔfa serewagualɛ so bɛ́hyɛ aseɛ ne kyɛbɔ ɛmɔ mmusua mmusua nemɔ bɛ mbiri si te ɔ. Abusua bɔ ɔte piri ne, odi kyɛ ɛmɔma bɛ aseɛ piri, yeɛ bɔ ɔte kãa ne koso ɛ́mɔma bɛ aseɛ ne kaaba. Nekaa bɔ serewagualɛ ne kɔye kɔma ebiala ne, ma berɛ ɔyɛ ye deɛ. Ebiala konya ye agyapadeɛ wɔ ye nana mɔ abusua kure deɛ nu.

Deuteronomi 29:8

Yɛfale b’aseɛ ne, na yɛfa yɛmane Rubenfoɛ, Gadefoɛ ne Manase abusua kure ne bue maa ɔyɛle b’agyapadeɛ.

Yosua 11:23

Yiti Yosua ho fale aseɛ ne amukoraa, kyɛbɔ edwirɛ amukoraa bɔ AWURADE ha hyirele Mose te ne. Na Yosua hyehyɛle nu mane Yisraelfoɛ maa ɔyɛle b’agyapadeɛ, na ɔfale abusua kure biala ye bue deɛ mane ye. Na asomdwee wale aseɛ ne aso bɔ koɛ anzi ɔ.

Yosua 12:7

Ɛhemɔ ole aseɛ ne aso ahemvo bɔ Yosua ne Yisraelfoɛ lili bɛ so ngonim, wɔ asue Yɔɔdan eyia atɔleɛ, fite Baal Gade bɔ ɔwɔ Lebanon bɔnza ne anu bɔ ɔkwaadwu Halake bokaa bɔ ɔtrɛ kɔ Sɛre ne. (Yosua hyehyɛle b’aseɛ ne anu mane Yisrael abusua kure nemɔ maa ɔyɛle b’agyapadeɛ, na ɔfale abusua kure biala ye bue deɛ mane ye: