Edwein 133:3 - AHYERƐLƐ KRONGRON

³ Ɔte kyɛ Hɛmɔn bosue bɔ ɔtɔ gua Sion mmokaa so ɔ. Ofikyɛ berɛ yeɛ AWURADE ahyehyɛ saleɛ, bɔ ɔte ngoa afebɔɔ ɔ.

Edwein 133:3 Iomraidhean Croise

Edwein 16:11

Wɔ yeɛ ekyire me ngoa atee ɔ. Wɔ nyunu yeɛ nningyein bɔ ɔyɛ ahomeka mu wɔ ɔ, na wɔ sa famaa nu yeɛ anigye wɔ afebɔɔ ɔ.

Edwein 21:4

Ɔsrɛle wɔ berɛ ngoa, na ɛfa mane ye; ɛmane ye ngoa tendenn afebɔɔ.

Edwein 21:5

Wɔ ngoalelɛ ti, ye animnyam te piri; na afa anidie ne ahennie alo ye.

Edwein 42:8

AWURADE ye ɔdɔ bɔ onni ngasi ne, ɔye ye ali eyia, na kɔngɔen meto ye dwein mefa mebɔ mbaeɛ mekyire Nyameɛ bɔ otira me ngoa nyamaa nu ɔ.

Anyandera 19:12

Sɛ ɛhene fɛ yaa a, ɔte kyɛ gyata bɔ opo ɔ, nakoso ye anwumvoinnwunɛ te kyɛ ndire so ebosue.

Lewitikɔso 25:21

Ngɔma me saleɛ kohwie kogua ɛmɔ so wɔ afoɛ bɔ ɔtɔ so nzia ne anu, ná aseɛ ne kɔma ɛmɔ afoɛ nza aleɛ.

Mika 5:7

Na Yakob boso ama ngaa ne, bɛkɔyɛ kyɛ bosue bɔ ofi AWURADE berɛ ɔ wɔ maen maen pee bɛ nu, kyɛ nyenyenzue bɔ ogua ndire so ɔ, bɔ ɔmva ye nwo ndo sona so, anaa ɔnnwondɛ adasa mmaa ɔ.

Yohane 4:14

Nakoso ebiala bɔ ɔkɔno nzue bɔ ngɔma ye bie ne de, nzuhɔen ngohũ ye le. Na nzue bɔ ngɔfa ngɔma ye ne, ɔkɔyɛ nzue abura wɔ ye nu bɔ opu kɔ daa ngoa nu ɔ.”

Yohane 5:24

“Nahorɛ nu paa, mekã mekyire ɛmɔ kyɛ, ebiala bɔ ɔte me dwirɛ, ná ode bɔ ɔsomane me ne di nen, ole daa ngoa; bengobua ye foɛ, na mmom wapɛ nu wafi ewue nu wahɔ ngoa nu.

Yohane 5:29

na bekofite bɛkɔwa, na bɛ bɔ bayɔ bɔ ɔte paa ne, bɛkɔhɔ ngoa ewutingyelɛ nu; nakoso bɛ bɔ bayɔ bɔne ne de, bɛkɔhɔ ndɛenbualɛ ewutingyelɛ nu.

Yohane 6:68

Na Simɔn Petro buale ye kyɛ, “Awurade, nwa berɛ yeɛ yɛkɔhɔ ɔ? Wɔ yeɛ ele daa ngoa dwirɛ ɔ;

Romanfoɛ 5:21

Na kyɛbɔ bɔne nate ewue nu lili hene nen, sɔ ala yeɛ Nyameɛ adom koso kɔnate tenenee nu koli hene ɔ, na ɔkɔfa y’Awurade Yesu Kristo so kɔfa yɛ kɔhɔ daa ngoa nu.

Romanfoɛ 6:23

Ofikyɛ bɔne akatuaa ole ewue; na Nyameɛ adom akyɛdeɛ ole daa ngoa wɔ y’Awurade Yesu Kristo nu.

Deuteronomi 28:8

“AWURADE saleɛ kɔma aleɛ koyi wɔ pata so tɛkyɛɛ, na wɔ sa noa adwuma mukoraati kɔyɛ saleɛ. Okoyira wɔ wɔ aseɛ bɔ AWURADE wɔ Nyameɛ ɔ́fa ma wɔ ne aso.

Deuteronomi 4:48

fite Aroye bɔ ɔwɔ Anɔn bɔnza ne noa kodwu Sion bokaa (bɔ besa bɛfrɛ ye Hɛmɔn) ne nwo;

Yosua 13:11

Yeɛ Gileade, Gesurefoɛ ne Maakatifoɛ aseɛ, Hɛmɔn bokaa ne amukoraa, Basan amukoraa bɔ ɔkwaadwu Saleka ne.

1 Yohane 2:25

Na bɔ wafa wahyɛ yɛ bɔ ole daa ngoa.

1 Yohane 5:11

Adanzeɛ ne ɛhe: Nyameɛ ama yɛ daa ngoa, na sɔ ngoa ne wɔ Ɔwa ne anu.

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.