Edwein 132:9 - AHYERƐLƐ KRONGRON

⁹ Ma w’asɔfo mɔ bɛfa tenenee bɛhera, ná ma w’anwoteefoɛ mɔ bɛfa ahurusi bɛbɔ ese.

Edwein 132:9 Iomraidhean Croise

2 Aberɛso Dwirɛ 6:41

“Ao AWURADE Nyameɛ, mesrɛ wɔ, bra baatena nekaa bɔ ekole wɔ nwome ne, ɛne wɔ tumi alaka ne. Ao, AWURADE Nyameɛ, fa ngoalelɛ yɛ ɛtena kata w’asɔfo mɔ nwo, ná wɔ mmenia bɔ bedi nahorɛ bɛma wɔ ne, maa beli ahurusi wɔ wɔ paayɛlɛ nu.

YOB NWOMAA NE 29:14

Mvale nahorɛlilɛ ngerale, na ɔyɛle me tena, na me ndɛenbualɛ turoloo yɛle kyɛ m’ataadeɛ aguasoɛ ne m’abotire.

Edwein 104:1

Ao me kra, ye AWURADE ayɛ. Ao AWURADE me Nyameɛ, ɛte piri paa. Afa animnyam ne ahennie nu animnyam ahera.

Edwein 132:16

Ye asɔfo mɔ, ngɔfa ngoalelɛ ngɔhera bɛ, na ye teneneefoɛ bɛkɔfa ahurusi bɛkɔbɔ ese.

Edwein 149:5

Odi kyɛ anwoteefoɛ bedi ahurusi wɔ animnyam nu; odi kyɛ bɛfa anigye bɛto dwein wɔ bɛ bɛen so.

Edwein 47:1

Amaenmaen amukoraa, ɛ́mɔbɔ ɛmɔ sa nu; ɛ́mɔbɔ se bɛto Nyameɛ nwo ahurusi dwein.

Edwein 68:3

Nakoso teneneefoɛ de, ma bɛ nye ɔgye, maa beli ahurusi wɔ Nyameɛ nyunu; maa benya anigye mmorosoɛ.

Edwein 70:4

Bɛ bɔ bɛpena wɔ si atee ne amukoraa, maa beli ahurusi, ná bɛ nye gye wɔ wɔ nu. Bɛ bɔ bɛ nye gye wɔ ngoalelɛ nwo ne, maa bɛhã ye afebɔɔ kyɛ, “Nyameɛ te piri!”

Edwein 93:1

AWURADE di hene, wafa animnyam wahera; AWURADE afa ahera, wafa anwoserɛ wabɔ abɔsoɛ. Amba, wiase bo atimu, bɛngɔhora ye bo tutu.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yesaya 65:14

Ɛ́mɔtie, me somvoɛ mɔ bɛkɔto anigye dwein wɔ b’ahone nu, nakoso ɛmɔ de, ɛmɔkosu bekoli yealɛ wɔ ɛmɔ ahone nu, na ɛmɔkɔbɔ awuye bekoli aworabɔlɛ.

Sefania 3:14

O Sion awa brasua, to ahurusi dwein, O Yisrael, bɔ ese! Ma wɔ nye gye ná fa w’ahone amukoraa di ahurusi, O Yerusalem awa brasua!

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Romanfoɛ 13:14

Na mmom ɛ́mɔfa Awurade Yesu Kristo akodeɛ ne bewura, yeɛ nnɛma ɛmɔdi anwoɔnaen akɔnnɔ si bɛyɔ ye apɛdeɛ bɛma ye.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.

Nyekyire 19:8

Na bɛfale nwera paa bɔ ɔte fufue, bɔ ye nwo te ɔ bɛmane braa ne kyɛ ɔfa hera.” Na nwera paa ne ole anwoteefoɛ bɛ tenenee.”

Maenbulɛfoɛ 5:31

Yiti AWURADE, ma wɔ pɔfoɛ amukoraa, bɛ boso ónua! Nakoso bɛ bɔ bekuro wɔ dwirɛ de, maa bɛyɛ kyɛ eyia bɔ ɔbɔ gyireingyirein ɔ.” Na asomdwee wale aseɛ ne aso afoɛ aburanna.