Edwein 13:5 - AHYERƐLƐ KRONGRON

⁵ Na me de, mafa me nwo mato wɔ ɔdɔ bɔ onni ngasi ne aso; na wɔ ngoalelɛ ne, ngoli ahurusi wɔ nu.

Edwein 13:5 Iomraidhean Croise

Edwein 119:81

Me kra wora dɔ wɔ ngoalelɛ ne paa; mefa me wora mewura wɔ dwirɛ ne anu.

Edwein 147:11

na mmom AWURADE nye gye bɛ bɔ besuro ye ɔ nwo, bɛ bɔ bɛfa bɛ nwo bɛto ye ɔdɔ bɔ onni ngasi ne aso ne.

Edwein 25:2

Ao me Nyameɛ, wɔ yeɛ me wora wura wɔ nu ɔ; nnɛma me nyunu gua ase; nnɛma me pɔfoɛ mɔ bedi m’asefinɛ nwo ahurusi.

Edwein 32:10

Amaneɛ pee yeɛ ɔtoto bɔnefoɛ ɔ, nakoso sona bɔ ɔfa ye nwo to AWURADE so ne de, AWURADE ɔdɔ bɔ onni ngasi ne, ɔpɛ ye nwo bra yia.

Edwein 33:18

Amba, bɛ bɔ besuro AWURADE, ɔne bɛ bɔ bɛ nye la ye ɔdɔ bɔ onni ngasi ne aso ne, bɛla ye ahone nwo,

Edwein 36:7

Ao Nyameɛ, wɔ ɔdɔ bɔ onni ngasi ne, kyɛbɔ ye nwo osi le mvasoɛ ɔ! Na adasa mmaa bɛnwati bɛbafea wɔ ndaa ne abo fɔnwoo ne anu.

Edwein 38:17

Ofikyɛ mayie ase tɔ, na daa me nwo tutu me.

Edwein 51:12

Wɔ ngoalelɛ nu anigye ne, sa fa ma me, ná fa sotie sunzum tira me nu.

Edwein 52:8

Nakoso me de, nde kyɛ olive bakaa monɛ wɔ Nyameɛ awuro; me wora wura Nyameɛ ɔdɔ bɔ onni ngasi ne anu afebɔɔ.

Edwein 9:14

amaa ɔnate so mabɔ w’ayɛyelɛ amukoraa nwo dawure. Na ɔnate elelɛ bɔ ale me ne ati, ngoli ahurusi wɔ Sion awa brasua pambim ne anu.

Yesaya 12:2

Amba, Nyameɛ te me ngoalelɛ, ngɔfa me wora ngowura ye nu, na mengosuro, ofikyɛ AWURADE Nyameɛ te m’anwoserɛ ne me dwein, na wayɛ me ngoalelɛ.”

Habakuku 3:18

nakoso me de, ngoli ahurusi wɔ AWURADE nu. Ngɔma me nye kɔgye wɔ me ngoadefoɛ Nyameɛ nu.

Luka 1:47

na me sunzum di ahurusi wɔ me Ngoadefoɛ Nyameɛ nu;

Luka 2:20

Na mmoaenneafoɛ nemɔ besa bɛhɔle, na bɛhyɛle Nyameɛ animnyam bɛyele ye ayɛ wɔ bɔ benwuni ye ɔne bɔ bate ne amukoraa nwo, bɔ ɔte kyɛbɔ bɛhã behyirele bɛ ne pɛpɛɛpɛ ɔ.

Yuda 1:21

Ɛmɔhɔ so bɛtena Nyameɛ ɔdɔ nu, ná ɛ́mɔnwondɛ y’Awurade Yesu Kristo anwumvoinnwunɛ ne bɛhɔ daa ngoa nu.

1 Samuel 2:1

Afei Hana bɔle mbaeɛ kyɛ, “Me wora akyekye wɔ AWURADE nu; AWURADE nu yeɛ m’anwoserɛ wɔ ɔ. Mesere me pɔfoɛ mɔ, me nye gye, ofikyɛ ali ngonim ama me.