Edwein 13:4 - AHYERƐLƐ KRONGRON

⁴ nna me pɔfoɛ wanga kyɛ, “Mali ye so ngonim”, nna mamvi ase amma me pɔfoɛ mɔ banni ahurusi.

Edwein 13:4 Iomraidhean Croise

Ɛsra 9:8

Nakoso mmerɛ kãa ye anu de, AWURADE yɛ Nyameɛ walo yɛ. Wama yɛ ngaa ne yanya yɛ ti yadidi nu, na wabɔ yɛ atenaseɛ wɔ ye nekaa krongron berɛ, kyɛ ɔfa kyekye yɛ wora ná ɔma yɛ nwo tɔ yɛ kãa fi nganga tebea bɔ yahɔ nu ne anu.

Edwein 10:11

Ɔka ye wɔ ye ti anu kyɛ, “Nyameɛ wora afi, wafa ye nyunu wafea, na ongonwu ye le.”

Edwein 112:6

Ofikyɛ okogyina pindinn, na ye nwo ngayeɛ kɔtena berɛ afebɔɔ.

Edwein 25:2

Ao me Nyameɛ, wɔ yeɛ me wora wura wɔ nu ɔ; nnɛma me nyunu gua ase; nnɛma me pɔfoɛ mɔ bedi m’asefinɛ nwo ahurusi.

Edwein 35:19

Pɔfoɛ ngondombofoɛ nemɔ, nnɛmaa bedi me nwo ahurusi, bɛ bɔ bɛpɔ me mbaen ne, nnɛmaa bebu me kangyerɛ.

Edwein 35:25

Nnɛma bɛkekã ye wɔ bɛ ti anu kyɛ, “Ehee, yɛ sa ahã bɔ yɛpena ɔ.” Nnɛmaa bɛkã kyɛ, “Yayie ye pasaa.”

Edwein 38:16

Na me mbaeɛ ole kyɛ, “Bɛ bɔ mesoti a, né ɔyɛ bɛ fɛ ne, nnɛmaa bedi m’asefinɛ nwo ahurusi.”

Edwein 55:22

Fa w’adesoa to AWURADE so, na ɔkɔsɔ wɔ nu; ɔngɔnea ngɔma teneneeniɛ ngofi ase.

Edwein 62:2

Ye ngome yeɛ ɔte me nyɔbotaen ne me ngoalelɛ ɔ, m’anwoserɛ afealeɛ ɛne; hwee ngopusu me.

Edwein 62:6

Ye ngome yeɛ ɔte me nyɔbotaen ne me ngoalelɛ ɔ, m’anwoserɛ afealeɛ ɛne; hwee ngopusu me.

Edwein 9:19

Ao AWURADE, dwɔso e, nnɛma adasa di ngonim; bua maen maen mɔ ndɛen wɔ wɔ nyunu.

Anyandera 12:3

Sona ngora mva bɔneyɔlɛ nu mma onyie ye yé, nakoso teneneeniɛ de, okotira ndii bɔ ye bo ngotutu ɔ.

Yeremia 1:19

Bɛkɔho bekotia wɔ, nakoso bɛngɔhora bengoli wɔ so ngonim, ofikyɛ ngyi wɔ si, na ngɔpepɛ ngole wɔ, AWURADE noa dwirɛ ɛne.

Awuye 1:16

“Sɔ nningyein nemɔ ati yeɛ mesu ye; me nye moen poro nzue, ofikyɛ aworakyekyerɛniɛ bɔ odi kyɛ ɔkyekye me kra wora ne, ɔwɔ dedeede.” Waha me mma mɔ angome oo, ofikyɛ pɔfoɛ ne ali ngonim.

Yosua 7:9

Kanaanfoɛ ne aseɛ ye asofoɛ mukoraati bɛkɔte sɔ dwirɛ ye, bɛkɔpɛ yɛ nwo bekoyia, na bɛkɔma yɛ boso konua. Nzikyɛ yeɛ ɛkɔyɔ kɔfa wɔ dumaa bɔ odi mu ne anwo ɔ?