Edwein 13:2 - AHYERƐLƐ KRONGRON

² Me kra oli yealɛ maa oodwu kyinzu? Nni aworabɔlɛ wɔ m’ahone nu daa biala anaa? Me pɔfoɛ koli me so ngonim maa okoodwu kyinzu?

Edwein 13:2 Iomraidhean Croise

Nehemia 2:2

Yiti Nana bisale me kyɛ, “Ɛte apɔ, nakoso nzu ati yeɛ wɔ nyunu ayɛ bosaa ye? Ɛhe de nna hwee ɔ, wɔ wora mmom yeɛ wabɔ ɔ.” Na ɛhe mane ɛserɛ hane me paa.

Ɛseta 7:6

Na Ɛseta buale kyɛ, “Sɔ Haman he, ɔte busueniɛ, okyi yɛ, na osa te yɛ pɔfoɛ.” Na sɔ dwirɛ ne mane Haman kunu tele ye wɔ Nana Ahasuro ne Nana hemmaa Ɛseta bɛ nyunu berɛ.

YOB NWOMAA NE 10:15

Sɛ meyɔ amumuyɛɛ a, ye de me yaakɔ! Yeɛ sɛ meyɔ bɔ ɔtengyɛ po a, mengɔhora me ti so ma, ofikyɛ me nwo yɛ me nya, yeɛ matɔ amaneɛ nu.

Edwein 10:18

na edi ayisiaaniɛ ne sona bɔ ɔyɛ anwumvo ɔ bɛ dwirɛ ma bɛ, amaa ɔnate so dasaniɛ bɔ ofi nnɛterɛ nu wanyɛ anwunanwuna ko.

Edwein 116:3

Ewue nyamaa brabrale me. Ɛborɔ dɔ yealɛ sɔle me nu; nwuni amaneɛ ne aworabɔlɛ.

Edwein 17:9

Bɔnefoɛ bɔ badwɔso me so ne, pepɛ de me fi bɛ sa nu, pɔfoɛ awudifoɛ bɔ bapɛ me nwo bayia nemɔ, pepɛ de me fi bɛ sa nu.

Edwein 31:18

Ma ngondombofoɛ bɛtɔ mumu, bɛ bɔ bɛfa anwomasoɛ ne dwɛɛ bɛkekã edwirɛ tɛɛ betia teneneefoɛ ne.

Edwein 38:17

Ofikyɛ mayie ase tɔ, na daa me nwo tutu me.

Edwein 42:4

Mekaye sɔ dwirɛ hemɔ a, né me kra wora abɔ: kyɛbɔ me ne ɛlɔen ne yɛhɔle, ɛlɔen kandinga bɔ bedi aluolue ne, bɔ nne esebɔlɛ ne asennaa dwein, nnili folii ne nyunu ngɔle Nyameɛ awuro ne.

Edwein 6:4

Sa bra, ao AWURADE, de me kra ngoa; pepɛ de me, ɔnate wɔ ɔdɔ bɔ onni ngasi ne ati.

Edwein 7:2

Wamma ye sɔ a, bɛkɔtete me nu pasapasa kyɛ gyata tete sona nu ɔ, na bɛkɔpoa me ase bɛkɔhɔ bɔ mengonya defoɛ biala ɔ.

Edwein 74:10

Ao Nyameɛ, bɛ bɔ bekyi wɔ ne, kyinzu koraa yeɛ bɛ ngorohoɛ ne okoodwu ɔ? Pɔfoɛ ne, aso ɔkɔsɛkye wɔ dumaa afebɔɔ anaa?

Edwein 74:18

Ao AWURADE, kaye ɛhe: kyɛbɔ pɔfoɛ ne ɔyɛ ngorohoɛ ɔ, ɔne kyɛbɔ ngwaseafoɛ begua wɔ dumaa nwo fiɛ ɔ.

Edwein 8:2

Ɔnate wɔ pɔfoɛ mɔ ti, yeɛ kyɛbɔ ɔkɔyɛ bɔ ɛkɔhã pɔfoɛ ne ne wereɛtɔlɛniɛ ne bɛ noa kɔto nu ne ati, nnɔma ne ngwadaa mmaa mmaa bɛ noa, yeɛ ɛfa so ma mmenia te w’animnyam nwo dwirɛ ɔ.

Edwein 9:6

Pɔfoɛ nemɔ b’ayieleɛ ayie bɛ afebɔɔ maa bɛ boso anunu. Abɔ bɛ nguro nemɔ maa bayɛ kurofoen, na bɛ nwo ngayeɛ atu amini.

Anyandera 15:13

Enya anigye wɔ wɔ nu a, ɔma wɔ nyunu yɛ ɛsereserelɛ, nakoso aworabɔlɛ ma sona sunzum nwo to.

Nworɛ Dwirɛhanɛniɛ 5:17

Awosii akata ye ngyẽa mukoraa so, na ɔfa ɛyaafɛlɛ, anwonyerɛ ne aworabɔlɛ pee nu.

Yeremia 15:18

Nzu ati yeɛ m’amaneɛnwunɛ ye bo ɔmbɛ ye, bɔ me kena ɔngɔ ye, bɔ wayɛ koangɔ ye? Aso ɛ́yɛ kyɛ nnakannakaniɛ ma me, ɛ́yɛ kyɛ abura bɔ odi ngasi ɔ?

Yeremia 45:3

Ɛnwa, ‘Edwirɛ ato me oo! Ofikyɛ AWURADE wafa aworabɔlɛ waboka me yealɛ so; mapene mafɛ, na mennya me nwome menne.’

Yeremia 8:18

M’anigye atu amini, aworabɔlɛ atira me, me kra wora abɔ wɔ me nu.

Awuye 1:5

Bɛbɔ bekyi ye ne, bakakyi ye mene mɔ, wayie ye pɔfoɛ mɔ yé, ofikyɛ AWURADE aprapra amaneɛ wagua ye so. Na ɔnate ye mmeraatolɛ worawora ne ati, ye pɔfoɛ mɔ bahye ye mma mɔ nnure, na bafa bɛ bahɔ.

Awuye 1:9

Ye nwo bɔ wagua fiɛ ne, wayɛ ye ataadeɛ ne anu; wangaye ye ayieleɛ, yiti wafi ase buramm, na olle aworakyekyerɛniɛ biala. “Ao AWURADE, nea m’amaneɛnwunɛ, ofikyɛ pɔfoɛ ne, wali ngonim.”

Awuye 5:20

Nzu ati yeɛ ama wɔ wora afi yɛ afebɔɔ ye, ná ayakyi yɛ nu mmerɛ tendenn sɔa ye?

Mateo 26:38

Afei osele bɛ kyɛ, “Me kra wora abɔ paa kɔ ewue nu. Ɛmɔtena wa, ná ɛmɔ ne me wɛne.”

Luka 22:53

Daa biala bɔ né me ne ɛmɔ yɛwɔ asɔneyɛɛ sua ne anu nen, ɛmɔangye me. Na ɛhe yeɛ ɔte ɛmɔ mmerɛ ne awosii tumi ɔ.”

Yohane 16:6

Na ɔnate kyɛ mahã ɛhemɔ mahyire ɛmɔ ne ati, aworabɔlɛ ayi ɛmɔ ahone nu tɛkyɛ.

Romanfoɛ 9:2

kyɛ medi aworabɔlɛ pee ne yealɛ daa wɔ m’ahone nu.

Filipifoɛ 2:27

Amba, ewue anwonyerɛ bɔle ye. Nakoso Nyameɛ nwuni ye anwumvoin; nna ye ngome, na me koso onwuni me anwumvoin bie, na wamma me wora ammɔ somaa.

1 Samuel 18:29

Sɔɔlo hɔle so surole Dawide paa, na Sɔɔlo pɔle Dawide wɔ ye asetena nu amukoraa.

1 Samuel 24:19

Nwa yeɛ ɔkɔto ye pɔfoɛ a, ɔmaa ɔfa ye nwo di tɔtorɔtɔɔ ɔkɔ ɔ? Paa bɔ afa ayɛ me ɛnɛ ye, mesrɛ kyɛ AWURADE ɔma wɔ ye nwo akatuaa paa.