Edwein 128:2 - AHYERƐLƐ KRONGRON

² Ofikyɛ ekoli wɔ bɔbɔ wɔ sa noa adwuma nwo mvasoɛ; wɔ nye kɔgye, na okoyie wɔ yé.

Edwein 128:2 Iomraidhean Croise

Gyenesise 3:19

Mvifire kosongyi wɔ ti anwo koraka né anya aleɛ ali, kɔpem kyɛ ekosa kɔhɔ nnɛterɛ nu ɔ; ofikyɛ nnɛterɛ nu yeɛ nyele wɔ mvili ɔ, ɛte nnɛterɛ, na nnɛterɛ nu ala yeɛ ekosa kɔhɔ ɔ.”

Edwein 1:3

Ɔte kyɛ bakaa bɔ balua ye asue noa, bɔ osu ye mma wɔ mmerɛ bɔ odi kyɛ osu ɔ nu, bɔ ye nyaa ɔngese ɔ. Nikyee bɔ ɔyɔ biala, oyie ye yé.

Edwein 109:11

Ma sona bɔ wabisa ye berɛ bosea ne, ole ye nwo nningyein amukoraa, ná ɛwɔfoɛ mɔ bɛɛfẽ bɔ wafɛ wanya ye ɔ bɛfa.

Nworɛ Dwirɛhanɛniɛ 8:12

Ɔwɔ nu kyɛ bɔnefoɛ ɔyɔ bɔne yɔleɛ sɔ alaa ɛyaa, ná onya ngoa tendenn de; nakoso nahorɛ nu, me de mese kyɛ bɛ bɔ besuro Nyameɛ ná bebu ye ne yeɛ okoyie bɛ yé ɔ.

Yesaya 3:10

Ɛmɔhã behyire teneneefoɛ kyɛ okoyie bɛ yé, ofikyɛ bɛ sa kɔhã bɛ yɔleɛ paa nwo akatuaa.

Yesaya 62:8

AWURADE afa ye sa famaa ne ye tumi asaa ne wata ndaen kyɛ, “Amba, mengɔfa w’aburoo mengɔma wɔ pɔfoɛ mɔ ma ɔngɔyɛ b’aleɛ ko, yeɛ amanvrafoɛ koso, bɛngɔno wɔ nzaa bɔ afɛ wɔ nwo ayɛ ne ko.

Yesaya 65:13

Yiti AWURADE nwa nyoo: “Ɛ́mɔtie, me somvoɛ mɔ bekodidi, nakoso ɛmɔ de, ɛhɔen kohũ ɛmɔ; ɛ́mɔtie, me somvoɛ mɔ bɛkɔno, nakoso ɛmɔ de, nzuhɔen kohũ ɛmɔ; ɛ́mɔtie, me somvoɛ mɔ bekoli ahurusi, nakoso ɛmɔ de, ɛmɔ nyunu kogua ase.

Yeremia 22:15

Sida bɔ afa ayɛ wɔ nwo buru ne nnu ne ati, ɛdwene kyɛ ɛte hene anaa? Aso wɔ baba wannidi wanno? Aso wammua ndɛen turoloo wammɔ bra bɔ ɔtengyɛ ɔ? Na ye sɔ ti, oyiele ye yé.

1 Korintofoɛ 15:58

Yiti nniɛma mɔ, ɛmɔgyina pindinn, nnɛma ɛmɔhimhim, na daa biala ɛmɔhɔ so bɛyɔ Awurade adwuma, ofikyɛ ɛmɔse kyɛ ɛmɔ fɛɛ wɔ Awurade adwuma nu ngɔyɛ mbaen.

Ɛfesofoɛ 6:3

“amaa wayie wɔ yé, ná anyi ahyɛ wɔ aseɛ ye aso.”

Deuteronomi 28:11

AWURADE kɔma wɔ nningyein paa maa ɔkɔbo so: wɔ kunu mmaa kɔyɛ pee, wɔ nyɛmmoa kɔyɛ pee, na w’aseɛ so aleɛ kɔyɛ pee, wɔ aseɛ bɔ AWURADE tale ndaen hyirele wɔ nana mɔ kyɛ ɔkɔfa kɔma wɔ ne aso.

Deuteronomi 28:39

Ɛkɔyɔ bobe boo, ɛkɔbɔ ye nwo, nakoso ye nzaa ne de, ɛngɔno bie, yeɛ ye mma wora ɛngɔte bie, ofikyɛ alɔponɛ koli.

Deuteronomi 28:4

“Nyameɛ koyira wɔ maa ekonya mmaa pee, w’aseɛ so aleɛ pee, nyɛmmoa pee, nandwie mmaa pee ne mmoaen mmaa pee.

Deuteronomi 28:51

Okohu wɔ nyɛmmoa mɔ koli ná wasa wali w’aseɛ so aleɛ kɔpem kyɛ ekowu ɔ. Ɔngɔma w’aburoo, nzaa, ngoo, anaa wɔ nandwie mmaa ne wɔ mmoaen mmaa ko po ngɔha, kɔpem kyɛ ɔkɔmaa ekowu ɔ.

Deuteronomi 28:8

“AWURADE saleɛ kɔma aleɛ koyi wɔ pata so tɛkyɛɛ, na wɔ sa noa adwuma mukoraati kɔyɛ saleɛ. Okoyira wɔ wɔ aseɛ bɔ AWURADE wɔ Nyameɛ ɔ́fa ma wɔ ne aso.