Edwein 127:2 - AHYERƐLƐ KRONGRON

² Ɔte mbaen kyɛ ɛmɔkɔpɛ aleɛ bekodwɔso, ná ɛmɔanna ndɛ, ná ɛmɔfɛ tetanwuu bɛpena ɛmɔ noa aleɛ ɔ; ofikyɛ bɛ bɔ okuro bɛ dwirɛ ne, sɛ bɛda po a, ɔma bɛ bɔ behia ɔ.

Edwein 127:2 Iomraidhean Croise

YOB NWOMAA NE 11:18

Ekogyina pindinn, ofikyɛ anyelasoɛ wɔ berɛ, ɔkɔbɔ wɔ nwo waen, na ɛkɔla asomdwee nu.

Edwein 3:5

Metɔ berɛ medafe; na mesa metingye, ofikyɛ AWURADE gyi me si.

Edwein 4:8

Ngɔla ngɔlafe asomdwee nu, ofikyɛ AWURADE, wɔ ngome yeɛ ɛmaa metena ase wɔ asomdwee nu ɔ.

Edwein 60:5

Kyɛbɔ ɔkɔyɛ ná ɛkɔpepɛ kole bɛ bɔ ekuro bɛ dwirɛ ne ati, fa wɔ sa famaa ne de yɛ ngoa, ná tie yɛ.

Anyandera 10:22

AWURADE saleɛ yeɛ ɔma sona nya ye nwo ɔ, na ɔmva aworabɔlɛ biala mmoka so.

Nworɛ Dwirɛhanɛniɛ 1:14

Manwu nikyee biala bɔ bɛyɔ ye wiase ɔ, na tie, ye mukoraa te mbaen, na ɔte dadwene mbaen.

Nworɛ Dwirɛhanɛniɛ 4:8

Sona bɔ wayɛ angonam bɔ olle ba anaa aliɛmaa ɔ, nakoso adwuma serɛ alaa yeɛ ɔkɔ so yɔ ɔ, na ye nye nzɔ ye anwonya bɔ wanya ye ɔ. Na obisa ye nwo kyɛ, “Adwuma bɔ mefɛ me nwo meyɔ, bɔ mama m’anigye abɔ me ye, nwa yeɛ mefɛ mema ye ɔ?” Ɛhe koso te mbaen ne adwuma fuin.

Nworɛ Dwirɛhanɛniɛ 5:12

Sɛ paaniɛ nya aleɛ kãa di oo, anaa pee di oo, ɔdafe hatee; nakoso sikaniɛ de, ye anwonya mmorosoɛ ne mma onnya nnaa nna.

Nworɛ Dwirɛhanɛniɛ 6:7

Ɛfɛɛ amukoraa bɔ sona ɔfɛ ye, ye noa aleɛ ti ɔ, nakoso odidi a ɔnde ye.

Yeremia 31:26

Ɛhe maa ndingyele, na nneane, na me nnaa yɛle me fɛ.

Hesekiel 34:25

“Me ne bɛ yɛkɔyɛ asomdwee apam, na ngotu ngaka aboyaa mɔ bo ngofi aseɛ ne aso, amaa ɔnate so batena ɛserɛ ne aso asomdwee nu, ná balela ɛhɔayeɛ nemɔ anu.