Edwein 122:5 - AHYERƐLƐ KRONGRON

⁵ Ofikyɛ berɛ yeɛ bafa ndɛenbualɛ ahennie bia nemɔ basiesie ɔ, Dawide awuro ama mɔ b’ahennie bia nemɔ.

Edwein 122:5 Iomraidhean Croise

2 Samuel 8:18

Né Yehoada awa Benaya ɔte Keretifoɛ ne Peletifoɛ so safohene; yeɛ né Dawide mma mmienzua nemɔ bɛte maen mbanyi.

1 Ahemvo 7:7

Osili Ahennie Bia Pato, bɔ ɔte Ndɛen Turoloo Pato ne. Berɛ yeɛ né ɔtena di dwirɛ ɔ. Ɔfale sida samono ye aseɛnwo fi ye ti kɔka ye ti.

2 Aberɛso Dwirɛ 11:22

Rehoboam yele Maaka awa Abiya maa ɔlale ye mma nemɔ amukoraa bɛ noa, ofikyɛ né okuro kyɛ ɔmaa odi ye bia yɛ ɛhene.

2 Aberɛso Dwirɛ 19:8

Afei koso, Yehosafate yeyele Lewifoɛ biemɔ ne asɔfo biemɔ ne Yisrael abusua mbanyi biemɔ wɔ Yerusalem, kyɛ begyina AWURADE dwirɛ so bebu maen ne, ná beli dwirɛ. Né bɛte Yerusalem.

Deuteronomi 17:18

Na sɛ odi bia ne a, ɔ́nea kyɛ ɔkɔmaa bɛkɔhyerɛ mmeraa he bie bɛkɔma ye wɔ Lewifoɛ bɔ bɛte asɔfo ne nyunu ɔ.

Deuteronomi 17:8

“Sɛ edwirɛ ba wɔ gya so, bɔ ɔte aporowaasulɛ bɔ ɔfa awuelilɛ, manzoen, anaa epuralɛ nwo, wɔ wɔ nguro nemɔ anu, ná sɛ ye ndɛenbualɛ ne bo wɔ so a, ye de ka wɔ nwo kɔ nekaa bɔ AWURADE wɔ Nyameɛ kɔneanea nu kɔye kosie berɛ ne.