Edwein 122:4 - AHYERƐLƐ KRONGRON

⁴ Berɛ yeɛ mmusua kure nemɔ bɛkɔ ɔ, AWURADE mmusua kure nemɔ; kyɛ bɛkwaafa asennaa bɛma AWURADE dumaa, kyɛbɔ wahyehyɛ wama Yisrael ne.

Edwein 122:4 Iomraidhean Croise

Edwein 100:4

Ɛ́mɔfa asennaa béwura ye anoa piri ne anu, ná ɛ́mɔfa ayɛyelɛ bɛbra ye aluo berɛ. Ɛmɔla ye ase, ɛ́mɔhyɛ ye dumaa animnyam!

Edwein 118:19

Ɛ́mɔbukyebukye tenenee anoa mbiri nemɔ bɛ́ma me maa mva nu ngɔmva ayɛyelɛ mma AWURADE.

Edwein 132:13

Ofikyɛ AWURADE aneanea nu waye Sion; wahuro kyɛ ɔkɔfa berɛ kɔyɛ ye atenaleɛ:

Edwein 78:68

na mmom ɔneaneane nu yele Yuda abusua kure, bɔ ye ole Sion bokaa bɔ okuro ye dwirɛ ne.

Edwein 81:6

“Nyele adesoa piri ne mvili ye bati so, ye sa yakyili kɛndɛen kukulɛ.

Ɛksadɔso 16:34

Na kyɛbɔ AWURADE hyɛle Mose nen, sɔ ala yeɛ Aarɔn fa siele Adanzeɛ ne anu, kyɛ bɛ́fa bésie ɔ.

Ɛksadɔso 23:17

Afoɛnoa biala, ɔsɛ kyɛ wɔ mmienzua mukoraa bɛba AWURADE Nyameɛ nyunu.

Ɛksadɔso 32:15

Yiti Mose kakyili ye nwo, na ɔfale Adanzeɛ nyɔboɛ taataa nyɔ ne tirale ye sa nu torotorole bokaa ne dwuli ase: nyɔboɛ taataa bɔ bahyerɛ ye bue nyɔ ne aso ne, bɔ bahyerɛ ye nyunu ne ye si ne.

Deuteronomi 12:11

ye de nekaa bɔ AWURADE ɛmɔ Nyameɛ kɔneanea nu kɔye kosie berɛ kyɛ ɔ́ma ye dumaa da so nen, berɛ yeɛ ɛ́mɔfa nningyein bɔ méhyɛ ɛmɔ ne amukoraati bɛhɔ ɔ: ɛmɔ naen yeralɛ afɔleɛ ne ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɔne ɛmɔ aboadeɛ afɔleɛ paa mukoraati bɔ ɛmɔfa bɛhyɛ AWURADE bɔ ɔ.

Deuteronomi 12:5

Na mmom ɔsɛ kyɛ ɛmɔpena aseɛ bɔ AWURADE ɛmɔ Nyameɛ kɔneanea nu kɔye kosie berɛ wɔ ɛmɔ abusua kure ne amukoraati nu, kyɛ ɔ́fa ye dumaa to so ná ɔtena berɛ ne, na berɛ yeɛ ɛmɔhɔ ɔ.

Deuteronomi 16:16

“Afoɛ biala, ɔsɛ kyɛ wɔ mmienzua mukoraati ba AWURADE wɔ Nyameɛ nyunu pɛen nza, wɔ nekaa bɔ okohyire ne: wɔ Paanoo Kabrɛdi aluolue ne, Dapɛn Dapɛn aluolue ne, yeɛ Asese aluolue ne anu. Nnɛmaa bɛfa bɛ sa mbaen bɛba AWURADE nyunu.