Edwein 12:7 - AHYERƐLƐ KRONGRON

⁷ Ao AWURADE, nea yɛ so; bɔ yɛ nwo waen fi sɔ aworɛ ndoatoasoɛ he anu afebɔɔ.

Edwein 12:7 Iomraidhean Croise

Edwein 10:18

na edi ayisiaaniɛ ne sona bɔ ɔyɛ anwumvo ɔ bɛ dwirɛ ma bɛ, amaa ɔnate so dasaniɛ bɔ ofi nnɛterɛ nu wanyɛ anwunanwuna ko.

Edwein 119:140

Wɔ dwirɛ ne, efiɛ biala nne ye nwo, yiti wɔ somvoɛ nye gye ye nwo.

Edwein 121:8

AWURADE kɔbɔ wɔ hɔlɛ ne wɔ walɛ nwo waen ofi ɛnɛ bɔ ɔkwaadwu afebɔɔ ɔ.

Edwein 145:20

AWURADE bɔ bɛ bɔ bekuro ye dwirɛ ɔ amukoraa nwo waen, nakoso bɔnefoɛ de, okohũhũ bɛ.

Edwein 16:1

Ao Nyameɛ, bɔ me nwo waen, ofikyɛ wɔ nu yeɛ menwati mebafea ɔ.

Edwein 18:31

Nwa yeɛ ɔte Nyameɛ ɔ? Sana AWURADE angome. Nwa yeɛ ɔte nyɔbotaen ɔ? Sana yɛ Nyameɛ angome.

Edwein 19:9

AWURADE surolɛ te krongron, na esurolɛ ne tena berɛ afebɔɔ. AWURADE nhyehyɛleɛ te nahorɛ, na ye mukoraa tengyɛ.

Edwein 37:28

Ofikyɛ AWURADE kuro ndɛenbualɛ turoloo, na ɔngɔpo ye anwoteefoɛ. Ɔkɔbɔ anwoteefoɛ nwo waen afebɔɔ, nakoso bɔnefoɛ boso ama de, bɛ boso konua.

Edwein 37:40

AWURADE boka bɛ, na ɔpepɛ de bɛ; ɔpepɛ de bɛ fi bɔnefoɛ sa nu, na ode bɛ ngoa, ofikyɛ bɛnwati bɛkɔfea ye nu.

Yesaya 27:3

Me, AWURADE, me yeɛ menea so ɔ, mmerɛ biala meguagua so nzue, mebɔ ye nwo waen kɔngɔen ne eyia, kyɛbɔ ebiala ngɔɔsɛkye ye ɔ.

Mateo 3:7

Na onwuni kyɛ Farasiifoɛ ne Sadusiifoɛ nemɔ anu pee bɛba maa ɔbɔ bɛ asu nen, osele bɛ kyɛ, “Ewoo mmaa bɔ ɔte kyɛ ɛmɔ ɔ! Nwa yeɛ otuli ɛmɔ foɛ paa kyɛ ɛ́mɔnwati béfi ahonehulɛ bɔ ɔba ne anu ɔ?

Deuteronomi 33:3

Yoo, ohurole ye mmenia dwirɛ, ye anwoteefoɛ amukoraati bewura ye sa; bebutubutu wɔ wɔ gya bo, na bedi wɔ dwirɛ so.

1 Petro 1:5

bɔ bɛnate gyidie so bɛbɔ ɛmɔ nwo waen wɔ Nyameɛ tumi nu, bɔ ɔkɔ ngoalelɛ bɔ basiesie kyɛ bɛbaala ye ali wɔ mmerɛ bɔ oli nziɛ ne anu ne.

Yuda 1:1

Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.

1 Samuel 2:9

Ɔbɔ ye anwoteefoɛ nwo waen wɔ atee biala so, nakoso amumuyɛɛfoɛ de, bewuwu aworabɔlɛ wue; ofikyɛ nna anwoserɛ yeɛ sona fa di ngonim ɔ.