Edwein 12:5 - AHYERƐLƐ KRONGRON

⁵ AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 12:5 Iomraidhean Croise

YOB NWOMAA NE 5:15

Nakoso Nyameɛ ode sona bɔ ɔyɛ anwumvo ɔ ofi bɛ noa dwirɛ bɔ odi awue ne anu, ɔne tumifoɛ bɛ sa nu.

YOB NWOMAA NE 5:21

Okole wɔ kofi kuro sona noa bɔ odi awue nu, na sɛ musue ba a, engosuro.

Edwein 10:12

Ao AWURADE, dwɔso e! Ao Nyameɛ, kyire wɔ tumi! Nnɛma wɔ wora fi sona bɔ onwu amaneɛ ɔ.

Edwein 10:18

na edi ayisiaaniɛ ne sona bɔ ɔyɛ anwumvo ɔ bɛ dwirɛ ma bɛ, amaa ɔnate so dasaniɛ bɔ ofi nnɛterɛ nu wanyɛ anwunanwuna ko.

Edwein 10:5

Nningyein kɔ so yé ma ye mmerɛ biala; wɔ ndɛenbualɛ ne, ɔwɔ anwuro anwuro bɔ ye de ɔmva ye nwo ɔ; ɔgoro ye pɔfoɛ mɔ amukoraa bɛ nwo.

Edwein 31:19

Ao, wɔ lolɛ bɔ ahyehyɛ ato berɛ ama bɛ bɔ besuro wɔ ne, ɔyɛ nwanwa soma! Bɛ bɔ bɛnwati bɛbafea wɔ nu ne, ye yeɛ ɛfa bɔ bɛ nwo waen bɔ adasa bɛ nye tua ɔ!

Edwein 34:6

Sɔ anwumvoinniɛ he, osuni, na AWURADE tiele ye sufrɛ, ná ɔpepɛ lele ye fili ye amaneɛ amukoraa nu.

Edwein 73:8

Bɛgoro mmenia nwo, na bɛ noa dwirɛ te bɔne, bele anwomasoɛ benwunanwuna mmenia.

Ɛksadɔso 5:2

Nakoso Faro buale kyɛ, “AWURADE ne ole nwa bɔ ɔsɛ kyɛ metie ye ná mema Yisraelfoɛ bɛkɔ ɔ? Menze sɔ AWURADE ne, yeɛ Yisraelfoɛ koso mengɔma bɛngɔhɔ!”

Anyandera 14:31

Ɛhyɛ sona bɔ ɔyɛ anwumvo so a, né agua ye Nyameɛ bɔ ɔbɔle ye ne nyunu ase, na ebiala bɔ onwu ehianiɛ anwumvo ne, ɔhyɛ Nyameɛ animnyam.

Anyandera 18:21

Sona noa dwirɛ maa onya ewue anaa ngoa, na bɔ okuro edwudwolɛ ne, onya ye nwo amaneɛ.

Nworɛ Dwirɛhanɛniɛ 4:1

Nza nwuni nhyɛsoɛ amukoraa bɔ ɔkɔ so wɔ wiase ɔ. Bɛ bɔ mmenia hyɛ bɛ so ne, nea bɛ nye moen, belle aworakyekyerɛniɛ biala. Tumi wura bɛ bɔ bedi anyandim ne sa. Ao, amaneɛnwunɛfoɛ nemɔ, belle aworakyekyerɛniɛ biala!

Nworɛ Dwirɛhanɛniɛ 5:8

Sɛ enwu kyɛ manzini bie anu besisi ehianiɛ, kyɛ bebua ndɛengyea, ɔne kyɛ bɛkatakata nahorɛ so a, nnɛma sɔ dwirɛ ne yɛ wɔ nwanwa, ofikyɛ panyi bie yeɛ ɔnea sɔ panyi ne so ɔ, na bewura mbanyi paa biemɔ abo.

Yesaya 19:20

Na ɛhe kɔyɛ Asafo AWURADE nwo sɛngyerɛnneɛ ne adanzeɛ wɔ Misraim aseɛ so. Na sɛ mmenia hyɛ bɛ so ná besu bɛfrɛ AWURADE a, ɔkɔsoma defoɛ ne komafoɛ maa ɔkɔɔpepɛ kole bɛ.

Yesaya 33:10

AWURADE nwa nyoo, “Afei ngodwɔso, afei ngohyire me tumi, afei ngɔmaa bekonwu me tumi.

Hesekiel 18:18

Na ye baba de, ɔnate kyɛ wali aminɛ, wafa obiɛngo nikyee patapaa so, wayɔ bɔ ɔtte mayee wɔ ye maen nu ne ati, tie, ɔnate ye amumuyɛɛ ti okowu.

Hosea 7:16

Besa bɛ si, nakoso bɛmma Anwuro Anwuroniɛ ne berɛ, bayɛ kyɛ nnakannaka agyaen, b’atitirefoɛ mɔ kɔtotɔ ngrandɛ noa; ɔnate bɛ noa dwirɛ mvamva ne ati, mmenia kɔfa ɛhe kɔgoro bɛ nwo wɔ Misraim aseɛ so.

Yakobo 5:4

Ɛ́mɔtie! Apaafoɛ bɔ bɛyɔle ɛmɔ fieso adwuma ne, b’akatuaa bɔ ɛmɔnate asisie so bɛfa besiele ne, ɔtea nu; na bɛ bɔ bɛtele ɛmɔ fieso nnɔbaeɛ ne, bɛ suɛ ne waadwu Asafo Awurade so anu.

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.