Edwein 12:4 - AHYERƐLƐ KRONGRON

⁴ ɔne bɛ bɔ bɛkã kyɛ, “Yɛkɔfa yɛ noa yɛkɔbɔ yɛ nwo waen; yɛ bɔbɔ deinn yeɛ yɛle yɛ noa ɔ, yɛlle meneɛ biala!” ne.

Edwein 12:4 Iomraidhean Croise

Gyenesise 3:5

Ofikyɛ Nyameɛ se kyɛ kyẽa bɔ ɛmɔkoli bie ne, ɛmɔ nye kobukye, na ɛmɔkɔyɛ kyɛ Nyameɛ ala, na ɛmɔanwu paa ne bɔne.”

Edwein 140:12

Mese kyɛ AWURADE di bɛ bɔ bɛyɛ anwumvo ɔ bɛ dwirɛ ma bɛ, na obua ndɛen turoloo ma ehiafoɛ.

Ɛksadɔso 5:2

Nakoso Faro buale kyɛ, “AWURADE ne ole nwa bɔ ɔsɛ kyɛ metie ye ná mema Yisraelfoɛ bɛkɔ ɔ? Menze sɔ AWURADE ne, yeɛ Yisraelfoɛ koso mengɔma bɛngɔhɔ!”

Anyandera 10:31

Teneneeniɛ ye noa dwirɛ te nworɛ dwirɛ, nakoso temverema bɔ ɔlakalaka ne de, bɛkɔpɛ bɛkɔto.

Yeremia 18:18

Yeɛ besele kyɛ, “Ɛmɔbra maa yɛbɔ Yeremia nwo porɛ, ofikyɛ mmeraa ne ngotu ngomini ngofi ɔsɔfo berɛ, foɛtulɛ ngotu ngomini ngofi nworɛniɛ berɛ, yeɛ edwirɛ ne koso, ongotu ngomini ngofi ngɔmhyɛlɛniɛ berɛ. Ɛmɔbra maa yɛpɛ dwirɛ yɛto ye so, na nnɛmɔmaa yɛtie ye dwirɛ biala.”

Yeremia 2:31

Na ɛmɔ, sɔ aworɛ ndoatoasoɛ he, ɛ́mɔtie AWURADE dwirɛ ne! Aso makakyi ɛserɛ so mama Yisrael, anaa makakyi aseɛ bɔ so te awosii kabii ɔ? Na nzu ati yeɛ me maen kã kyɛ, ‘Yɛle yɛ nwo, yɛngɔwa wɔ berɛ ko’ ɔ?

Daniel 3:15

Afei de, sɛ ɛmɔaboaboa ɛmɔ nwo kyɛ sɛ ɛmɔte awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga a, ɛmɔkobutu berɛ bɛkɔsɔne amoen bɔ magyina ne a, ye de ɛmɔ nwo sonn. Nakoso sɛ ɛmɔanzɔne ye de a, ye de bekofindi ɛmɔ bekogua see bɔ ogye wuronyiwuronyi wɔ foonoo nu ne anu; na nyameɛ beni yeɛ ɔkɔhora kɔpepɛ kole ɛmɔ kofi me sa nu ɔ?”

2 Tɛsalonika 2:4

Ye yeɛ odwɔso tia, na osa ma ye nwo so tra nikyee biala bɔ bɛfrɛ ye Nyameɛ ná bɛsɔne ye ɔ; na ɔkɔtena Nyameɛ asɔneyɛɛ sua nu kɔfrɛ ye nwo kyɛ ye ole Nyameɛ.