Edwein 12:3 - AHYERƐLƐ KRONGRON

³ AWURADE, bɛ bɔ bɛdɛfɛdɛfɛ ne, kã bɛ noa to nu, yeɛ bɛ bɔ bɛfa bɛ noa bɛkã anwomasoɛ dwirɛ mbiri ne,

Edwein 12:3 Iomraidhean Croise

YOB NWOMAA NE 32:22

Ofikyɛ menze kyɛbɔ besi bɛka adɛfɛdɛfɛ dwirɛ ɔ, meyɔ sɔ a, ɔngɔhyɛ né me Nyameɛ bɔ ɔbɔle me ne wapɛ me ngoa so.

Edwein 116:11

Nne ahunundetelɛ ngane kyɛ, “Kuro sona biala te ngondomboniɛ.”

Edwein 140:12

Mese kyɛ AWURADE di bɛ bɔ bɛyɛ anwumvo ɔ bɛ dwirɛ ma bɛ, na obua ndɛen turoloo ma ehiafoɛ.

Edwein 17:10

Bennwu sona anwumvoin koraa, na bɛfa bɛ noa bɛkekã anwomasoɛ dwirɛ.

Edwein 55:22

Fa w’adesoa to AWURADE so, na ɔkɔsɔ wɔ nu; ɔngɔnea ngɔma teneneeniɛ ngofi ase.

Ɛksadɔso 15:9

Pɔfoɛ ne hane kyɛ, ‘Ngɔpo bɛ so, ngɔɔto bɛ, ngɔhyɛ koɛ nu nzesadeɛ ne, na me kra ko koyi. Ngɔhwe me ngrandɛ, na me sa kɔma bɛ boso konua.’

Anyandera 18:21

Sona noa dwirɛ maa onya ewue anaa ngoa, na bɔ okuro edwudwolɛ ne, onya ye nwo amaneɛ.

Anyandera 26:24

Pɔfoɛ noa dwirɛ te menemene, nakoso ɔbɔ nnakannaka porɛ wɔ ye ti anu.

Yesaya 10:10

Ngonim bɔ mali ye wɔ ahennie mɔ bɔ bɛ wora wura mmosoen nu bɔ b’amoen mɔ yɛ se tra bɛ bɔ bɛwɔ Yerusalem ne Samaria ne,

Yesaya 59:4

Ebiala ngyina edwirɛ paa so ɔnzama obiɛngo, ebiala mmɔ nahorɛ kuro wɔ badwafoɛ nyunu; bɛto soen mbaen mbaen, na bɛnga nahorɛ, bɛnwonzɛ nzɛmmɔne, na bɛwo amumuyɛɛ.

Yeremia 12:6

Ofikyɛ wɔ nwo ama ne wɔ bɔbɔ w’abusuafoɛ, bɛ po baye wɔ bama; amba, bɛ́bɔ wɔ tutue bedi wɔ si. Ɔwɔ nu kyɛ bɛkã edwirɛ fɛɛ bekyire wɔ de, nakoso nnede bɛ di.”

Yeremia 9:8

Bɛ temverema te kyɛ agyaen bɔ odi awue ɔ; ɔkã ngondombo dwirɛ. Bɛkekã asomdwee dwirɛ bekyirekyire bɛ mmango mɔ, nakoso bɛ ti anu de, bɛbɔ porɛ kyɛ bɛkɔtetɛ bɛ ɔ.

Hesekiel 28:2

“Sona awa, se Tiro maen panyi ne kyɛ, AWURADE Nyameɛ nwa nyoo: “Ɔnate kyɛ ɛte anwomasoɛ, ná ahã kyɛ, ‘Nde nyameɛ, nde nyameɛ mɔ bɛ bia so wɔ ɛpo afia;’ nakoso ɛte kuro sona, ɛtte nyameɛ, na ɛyɛ wɔ nwo kyɛ ɛse nworɛ kyɛ Nyameɛ;

Hesekiel 28:9

Aso ɛkɔhɔ so kɔhã kyɛ, ‘Nde Nyameɛ,’ wɔ bɛ bɔ beku wɔ ne anyunu? Ɛte sona, na mmom ɛtte Nyameɛ wɔ mmenia bɔ beku wɔ nemɔ bɛ sa nu.

Hesekiel 29:3

Dwudwo, ná se kyɛ, AWURADE Nyameɛ nwa nyoo, “Tie, meko metia wɔ, Misraim hene Faro, wɔ, sasrabɔnzam piri bɔ ɛla w’asue mɔ nu, bɔ ɛnwa: ‘M’asue Naele te me bɔbɔ me deɛ, na me bɔbɔ yeɛ nyɔ mane me nwo ɔ.’

Daniel 7:25

Okodwudwo kotia Anwuro Anwuroniɛ ne, ɔkɔmaa Anwuro Anwuroniɛ n’anwoteefoɛ nemɔ bekoli amia, na ɔkɔyɛ ye adwene kyɛ ɔkɔsesã mmerɛ ne mmeraa, na bɛkɔfa anwoteefoɛ nemɔ bekowura ye sa afoɛ ko, afoɛ nyɔ ne bosome nzia.

Daniel 7:8

Na ngu so menea mmɛen nemɔ nen, yieee, nwuni kyɛ mmɛen kaaba foforɛ bie wafifi mmɛen nemɔ b’afia ɔ. Na mmɛen bɔ beli moa nemɔ, bɛ nu nza bo tutuli maa sɔ mmɛen ne ootuale berɛ. Na nwuni kyɛ sɔ mmɛen ne ole anyeɛ bɔ ɔte kyɛ sona deɛ ɔ, ɔne noa bɔ ɔkekã edwirɛ mbiri mbiri ɔ.

Malaki 3:13

“Ɛmɔkekã edwirɛ yeayea betia me, AWURADE noa dwirɛ ɛne. Nakoso ɛmɔbisa kyɛ, ‘Nzikyɛ dwirɛ yealɛ yeɛ yahã yatia wɔ ɔ?’

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.

Yuda 1:16

Ɛhemɔ te mmenia bɔ bɛ kunu ndwo, somoɛbɔlɛfoɛ, bedi bɛ bɔbɔ b’akɔnnɔ si, bɛfa bɛ noa bɛhoahoa bɛ nwo, na adifuu ti bɛdɛfɛdɛfɛ mmenia.

Nyekyire 13:5

Na bɛmane kaka ne noa bɔ ɔfa kekã edwirɛ mbiri mbiri ne musue dwirɛ ɔ, na bɛmane ye ate maa olili tumi bosome aburanna ne nyɔ.

1 Samuel 2:3

Nnɛma ɛmɔka nduhoɛ dwirɛ mbiri mbiri ko, nnɛmɔma anwomasoɛ dwirɛ fi ɛmɔ noa nu ba; ofikyɛ AWURADE te Nyameɛ bɔ onwu nikyee biala ɔ, na ye yeɛ obua ebiala yɔleɛ nwo ndɛen ɔ.