Edwein 12:2 - AHYERƐLƐ KRONGRON

² Bɛpepɛ anoanu bekyirekyire bɛ nwo. Bɛfa bɛ noa bɛdɛfɛdɛfɛ, ná bama bɛ noa ayɛ nyɔ.

Edwein 12:2 Iomraidhean Croise

1 Aberɛso Dwirɛ 12:33

Sebulɔnfoɛ ne, bele koɛhonɛfoɛ nimdeɛfoɛ apee aburannu bɔ bafa akodeɛ ahoroɔ amukoraa baboaboa bɛ nwo kyɛ bɛkɔ koɛ ɔ. Bɛ mu bɛyɛle b’adwene ko kyɛ bɛboka Dawide.

Edwein 10:7

Ɛnomalɛ, nnakannaka ne anwunanwuna ayi ye noa nu to, na ye temverema bo te nzɛmmɔne ne amumuyɛɛ.

Edwein 116:11

Nne ahunundetelɛ ngane kyɛ, “Kuro sona biala te ngondomboniɛ.”

Edwein 144:11

Pepɛ de me, ná de me fi ɛwɔfoɛ mma mɔ sa nu, bɛ yeɛ bɛ noa kekã edwirɛ mbaen mbaen, ná bɛ sa famaa te ngondombo asaa ɔ.

Edwein 144:8

Bɛfa bɛ noa bɛkekã edwirɛ mbaen mbaen, na bɛ sa famaa ne te ngondombo asaa.

Edwein 28:3

Nnɛfa me fra bɔnefoɛ ne nzɛmmɔnefoɛ ɛtwe me so. Bɛ yeɛ bɛkã asomdwee nwo dwirɛ bekyire bɛ mmango, nakoso bɔne yeɛ ɔwɔ bɛ ti anu ɔ.

Edwein 38:12

Bɛ bɔ bɛpena me beku me ne, basunzua me ngaen; bɛ bɔ bɛpena me bepura me ne, m’asefinɛ nwo dwirɛ yeɛ bɛkã ɔ, na daa biala bɛbɔ me nwo porɛ.

Edwein 41:6

Sɛ ebie bapasa me nwo a, edwirɛ bɔ ɔkã ne, nna ye ahone nu yeɛ ofi ɔ, nzɛmmɔne yeɛ osusu ye nwo wɔ ye ti anu ɔ; na sɛ ofi me nwo berɛ kɔ a, ɔfa kotene.

Edwein 5:9

Ofikyɛ bɛnga nahorɛ kaala, aborɛ yeɛ ɔwɔ bɛ ti anu ɔ; bɛ komvi te asieleɛ kumaa bɔ ɔla berɛ too ɔ, na bɛfa bɛ noa bɛdɛfɛdɛfɛ mmenia.

Edwein 55:21

ye noa dwirɛ te menemene tra woɛ, nakoso koɛ nwo adwene yeɛ ɔwɔ ye ti anu ɔ; ye noa nu dwirɛ te bɛtɛɛ kyɛ aloko, nakoso edwirɛ ne te ngrandɛ bɔ bahwe ɔ.

Edwein 59:12

Bɛ noa dwirɛ bɔ ɔte bɔne, yeɛ edwirɛ bɔ otua bɛ noa ne ati, ma b’anwomasoɛ ne kakyi ngaen ɔhye bɛ. Ɔnate bɛ noa dwirɛ bɔ ɔte amoenwaa ne ngondombo ne ati,

Edwein 62:4

Bɛ botaeɛ ala ole kyɛ bekotu ye bekofi bia so ɔ. Bɛ nye gye ngondombo nwo; bɛfa bɛ noa beyira sona, nakoso bɛ ti anu de, bɛnoma ye. Sela

Anyandera 20:19

Sona bɔ okyinikyini di nzekure ne, ɔma ye noa yɛ kurokuro wɔ edwirɛ bɔ bɛfeafea so ɔ nwo, yiti nnɛfa wɔ nwo bɔ sona bɔ ye noa te kurokuro ɔ.

Anyandera 20:6

Mmeni pee nwa bɛ bɔbɔ bɛte paa, nakoso sona bɔ odi nahorɛ de, nwa yeɛ okonwu bie ɔ?

Anyandera 29:5

Ebiala bɔ ɔkã adɛfɛdɛfɛ dwirɛ kyire obiɛngo ne, né osua obiɛngo ne gya ngaen.

Yeremia 7:28

Kã kyire bɛ kyɛ, ‘Maen bɔ wandie AWURADE ye Nyameɛ dwirɛ, ná wanne ɛtengyɛlɛ bɔ ɔtengyɛ ye wando nu ne, ye ɛhe. Nahorɛ ayie, watu wamini wafi bɛ noa.

Yeremia 9:8

Bɛ temverema te kyɛ agyaen bɔ odi awue ɔ; ɔkã ngondombo dwirɛ. Bɛkekã asomdwee dwirɛ bekyirekyire bɛ mmango mɔ, nakoso bɛ ti anu de, bɛbɔ porɛ kyɛ bɛkɔtetɛ bɛ ɔ.

Hesekiel 12:24

Ofikyɛ ngondombo nyekyire ne nnakannaka ngɔmhyɛlɛ ngɔtena Yisrael awuro ama mɔ bɛ nu ko.

Mika 7:2

Mmeni paa boso amini afi aseɛ ye aso, na teneneeniɛ biala nne mmenia nu; bɛ mukoraa bɛtetɛ bɛpena mogya bɛkã begua, na ebiala sua oliɛma ngaen ɔpena ye ɔkye ye.

Romanfoɛ 16:18

Ofikyɛ sɔ mmenia nemɔ bɛnzo y’Awurade Kristo, na mmom bɛso bɛ bɔbɔ bɛ ko. Na bɛfa bɛ noa dwirɛ fɛɛ ne anoanubobɔlɛ bɛlakalaka mmenia bɔ b’adwene te nganga ɔ.

1 Tɛsalonikafoɛ 2:5

Ɛmɔse kyɛ yanga adɛfɛdɛfɛ dwirɛ biala; yeɛ yammutubutu edwirɛ so yamva yambena adifuu nikye, Nyameɛ te yɛ danzeniɛ!

Yakobo 1:8

ofikyɛ sona bɔ ye adwene yɛ ye ndaa ndaa ne, ɔngora nzi ye adwene pi wɔ nikyee biala bɔ ɔyɔ nu.