Edwein 12:1 - AHYERƐLƐ KRONGRON

¹ Boka me, ao AWURADE, ofikyɛ teneneeniɛ de, ebie nne berɛ ko; na nahorɛlilɛfoɛ, bɛ boso anunu afi adasa mmaa nu.

Edwein 12:1 Iomraidhean Croise

Gyenesise 6:12

Nyameɛ neane aseɛ, na onwuni kyɛ wasɛkye, ofikyɛ né mmenia mukoraa ama bɔne ali bɛ ti wɔ aseɛ so.

1 Aberɛso Dwirɛ 15:21

Na bɛyele Matitia, Elifelehu, Mikenia, Obɛde Edom, Yeyiɛl ne Asasia kyɛ bɛbɔ sangoo bɛto dwein, kyɛbɔ bɛto Seminite dwein ɔ.

Edwein 3:7

Ao AWURADE, dwɔso e! Pepɛ de me, ao me Nyameɛ! Ofikyɛ wɔ yeɛ ebubu me pɔfoɛ amukoraa b’awogyee, ná ebubu amumuyɛɛfoɛ bɛ gye ɔ.

Edwein 54:1

Ao Nyameɛ, fa wɔ dumaa pepɛ de me, ná fa wɔ tumi di me dwirɛ ma me.

Edwein 6:1

Ao AWURADE, nnɛkã me nyunu wɔ wɔ yaafɛlɛ nu, yeɛ nnɛtwe me so wɔ wɔ yaafɛlɛ piri nu.

Edwein 6:4

Sa bra, ao AWURADE, de me kra ngoa; pepɛ de me, ɔnate wɔ ɔdɔ bɔ onni ngasi ne ati.

Anyandera 20:6

Mmeni pee nwa bɛ bɔbɔ bɛte paa, nakoso sona bɔ odi nahorɛ de, nwa yeɛ okonwu bie ɔ?

Yesaya 1:9

Sɛ Asafo AWURADE anyakyi yɛ mmenia kãa bie ma bannya bɛ ti bannidi nu a, ahaa yayɛ kyɛ Sodom, ahaa yakakyi kyɛ Gomora.

Yesaya 57:1

Teneneeniɛ wu, na ebiala kunu nde ye, bɛpɛ anwoteefoɛ ngoa so bɔ ebiala nde ye bo ɔ. Ofikyɛ bɛpɛ teneneeniɛ ngoa so kyɛbɔ ɔkɔyɛ bɔ edwirɛ tɛɛ bɔ ɔbaawa ne ɔngɔto ye ɔ.

Yesaya 59:4

Ebiala ngyina edwirɛ paa so ɔnzama obiɛngo, ebiala mmɔ nahorɛ kuro wɔ badwafoɛ nyunu; bɛto soen mbaen mbaen, na bɛnga nahorɛ, bɛnwonzɛ nzɛmmɔne, na bɛwo amumuyɛɛ.

Yesaya 63:5

Ndole me nye neane, nakoso né bokafoɛ biala nne berɛ; me nwo dwirili me kyɛ ebiala nne berɛ bɔ okogyina me si ɔ; yiti me bɔbɔ me tumi yeɛ olili ngonim mane me ɔ, na m’ahonehulɛ koso gyinane me si.

Yeremia 5:1

Ɛ́mɔtu amirika beli Yerusalem mmorɔnoɛ so akɔneaba, ɛ́mɔtoto bɛ nye bɛ́nea nningyein yé! Ɛ́mɔneanea ye dwaa nemɔ aso bɛ́nea, sɛ ɛmɔkonwu sona ko po bɔ ɔyɔ bɔ ɔtengyɛ ɔ, bɔ ɔpena nahorɛ si atee ɔ, amaa ɔnate so mafa Yerusalem bɔne mahyɛ ye.

Mateo 14:30

Nakoso onwuni mvrama bagyabagya ne nen, ɛserɛ hane ye; na ɔhyɛle ye bo kyɛ ɔmono nen, ɔteane nu kyɛ, “Awurade, de me!”

Mateo 24:12

Na ɔnate kyɛ amumuyɛɛ kɔsone pee ne ati, mmenia pee b’ehurolɛ bɔ bekurokuro bɛ nwo dwirɛ ne, ye noa kodwo.

Mateo 8:25

Na bɛhɔle ye berɛ beetingyele ye besele kyɛ, “Awurade, de yɛ, na yawu yayie!”