Edwein 119:9 - AHYERƐLƐ KRONGRON

⁹ Ɔkɔyɛ sɛɛ né aberandeɛ ama ye bra ayɛ sannwuu? Sana ɔnea wɔ dwirɛ ne aso ɔbɔ ye bra.

Edwein 119:9 Iomraidhean Croise

2 Aberɛso Dwirɛ 6:16

Yiti ao, AWURADE Yisrael Nyameɛ, ma ɛbɔ bɔ ɛhyɛle wɔ somvoɛ me baba Dawide ne, ɔhɔ so ɔtena berɛ. Ɛhane kyɛ, ‘Sɛ wɔ boso ama bɛye bɛ kunu bedi me dwirɛ so kyɛbɔ ayɔ ne ala a, ye de wɔ bosoniɛ bɔ ɔkɔtena Yisrael bia so wɔ me nyunu ne, ɔngɔbɔ wɔ le.’

YOB NWOMAA NE 1:5

Sɛ bɛto poen ne alaa maa oyia bɛ ti a, ɔyɛ a Yob soma maa bɛkɔfrɛ bɛ bɛba, na ɔpete bɛ nwo. Né ɔyɛ a ɔpɛ aleɛ odwɔso gyina bɛ nu biala ye gya nu ɔbɔ naen yeralɛ afɔleɛ. Ofikyɛ Yob susuli kyɛ, “Me mma ye mɔ, ebiaa bayɔ bɔne, ebiaa badwudwo batia Nyameɛ wɔ bɛ nzusuleɛ nu.” Na sɔ ala yeɛ né ɔyɛ a Yob yɔ ɔ.

YOB NWOMAA NE 13:26

Ofikyɛ edwirɛ tɛɛ yeɛ ɛkyerɛ tia me ɔ, na ɛfa me mmerandeɛ nu bɔne nwo akatuaa etua me so kerɛ.

Edwein 119:11

Mafa wɔ dwirɛ ne masie me ti anu, amaa ɔnate so manyɔ bɔne mandia wɔ.

Edwein 17:4

Mmenia bɛ yɔleɛ ne, ngyi wɔ noa dwirɛ so mahwe me nwo mafi basabasayɔlɛfoɛ bɛ yɔleɛ nwo.

Edwein 25:7

Ao AWURADE, ɔnate wɔ paayɛlɛ ne ati, nnɛkaye me ngwadaa nu bɔne, ɔne me mmeraatolɛ; gyina wɔ ɔdɔ bɔ onni ngasi ne aso ná kaye me!

Edwein 34:11

Ao me mma mɔ, ɛmɔbra beetie me noa dwirɛ, na ngohyire ɛmɔ AWURADE surolɛ ne.

Anyandera 1:10

Mma, sɛ bɔnefoɛ mɔ diedie wɔ kɔ bɔne nu a, nnɛpene so.

Anyandera 1:4

Ɔma sona bɔ ye adwene te kãa ɔ onwu nworɛ, na ɔma mmerandeɛ nimdeɛ ne adwene nu bukyelɛ.

Anyandera 2:11

adwene nu bukyelɛ kɔnea wɔ so, na ndeaseɛ kɔbɔ wɔ nwo waen;

Anyandera 4:1

Mmaa, ɛ́mɔtie ɛmɔ baba mɔ foɛtulɛ, ná ɛ́mɔyɛ asoɛ betie, amaa ɔnate so ɛmɔsua nworɛ.

Anyandera 7:7

na nwuni ebie wɔ bɛ bɔ b’adwene te nganga nemɔ anu, nwuni ebie bɔ ɔnze nworɛ ɔ kyɛ ɔboka mmerandeɛ nemɔ aso.

Nworɛ Dwirɛhanɛniɛ 11:9

Aberandeɛ, ma wɔ nye gye wɔ wɔ mmerandeɛ nu, nya anigye wɔ wɔ nu wɔ wɔ mmerandeɛ nu. Yɔ bɔ wɔ nye gye ye nwo ɔ ɔne bɔ ɔte wɔ nye so akɔnnɔ ɔ, nakoso nwu ye kyɛ, Nyameɛ kobua wɔ ndɛen wɔ bɔ ɛkɔyɔ amukoraa nwo.

Luka 15:13

Na wangyɛ biala yeɛ baa kãa ne boaboale ye agyapadeɛ deɛ amukoraa noa ɔ, na otuli atee hɔle maen bɔ ɔwɔ dede bie aso, na dɔ yeɛ ɔbɔle asanzabra mane ye anwodeɛ ne fili ye sa ɔ.

Yohane 15:3

Ɔnate edwirɛ bɔ mahã mahyire ɛmɔ ne ati, ɛmɔ nwo afi dada.

Deuteronomi 17:18

Na sɛ odi bia ne a, ɔ́nea kyɛ ɔkɔmaa bɛkɔhyerɛ mmeraa he bie bɛkɔma ye wɔ Lewifoɛ bɔ bɛte asɔfo ne nyunu ɔ.

2 Timoteo 2:22

Yiti twe wɔ nwo fi mmerandeɛ nu akɔnnɔ nwo, ná fa wɔ nye sie tenenee, gyidie, ɔdɔ ne asomdwee so, ɛne bɛ bɔ befi ahone bɔ nu te ɔ nu bɛfrɛ Awurade bɛbɔ nu ne.

Yosua 1:7

Wɔ de, gyina pindinn ná ma w’ahone yɛ se paa; ná nea kyɛ mmeraa mukoraati bɔ me somvoɛ Mose hyehyɛ mane wɔ ne ekoli so ɔ. Nnɛdi ye nwo makyebu kɔ famaa anaa bɛen, amaa ɔnate so wayie wɔ yé wɔ nekaa biala bɔ ɛkɔhɔ ɔ.