Edwein 119:2 - AHYERƐLƐ KRONGRON

² Bɛ bɔ bedi ye noa dwirɛ so, ná bɛfa b’ahone amukoraa bedi ye si ne, benya saleɛ.

Edwein 119:2 Iomraidhean Croise

1 Ahemvo 2:3

ná di bɔ AWURADE wɔ Nyameɛ wahyɛ wɔ kyɛ ɛyɔ ne aso. Tie ye dwirɛ, ná di ye ahyɛdeɛ, ye mmeraa dwirɛ, ye nhyehyɛleɛ ne ye noa dwirɛ so, kyɛbɔ bahyerɛ ye wɔ Mose mmeraa ne anu ne, amaa wayie wɔ yé wɔ nikyee biala bɔ ɛkɔyɔ ɔ nu, ɔne nekaa biala bɔ ɛkɔhɔ ɔ.

1 Aberɛso Dwirɛ 22:19

Yiti ɛ́mɔfa besie ɛmɔ nye so kyɛ ɛmɔkɔfa ɛmɔ adwene ne ɛmɔ ahone bekoli AWURADE ɛmɔ Nyameɛ si ɔ. Ɛmɔɔsi AWURADE Nyameɛ nekaa krongron ne, amaa ɔnate so ɛmɔafa AWURADE apam alaka ne, ɔne Nyameɛ nningyein krongron ne, basie awuro bɔ ɛmɔkosi bɛkɔfa AWURADE dumaa bɛkoto so ne anu.”

2 Aberɛso Dwirɛ 31:21

Na nikyee biala bɔ ɔyɔle ye wɔ Nyameɛ awuro berɛ ɛsɔnenɛ nu, ɔne bɔ ogyinane mmeraa ne mmeraa dwirɛ ne aso yɔle kyɛ ɔfa ɔso ye Nyameɛ ne, ofiane ye kunu ɔyɔle, na oyiele ye yé.

Edwein 105:45

amaa ɔnate so Yisraelfoɛ bali ye ahyɛdeɛ so, ná bali ye mmeraa so. Ɛ́mɔye AWURADE ayɛ!

Edwein 119:10

Ngɔfa m’ahone amukoraa ngoli wɔ si; nnɛmaa medi wɔ mmeraa dwirɛ ne anwo makyebu.

Edwein 119:101

Metwe me nwo mefi bɔne atee biala so, amaa ɔnate so mali wɔ dwirɛ ne aso.

Edwein 119:115

Bɔnefoɛ, ɛ́mɔfi me so bɛhɔ maa nni me Nyameɛ mmeraa dwirɛ ne aso.

Edwein 119:146

Mesu mefrɛ wɔ; pepɛ de me, amaa ɔnate so mali w’ahyɛdeɛ so.

Edwein 119:17

Do wɔ somvoɛ paa, amaa ɔnate so matena ngoa nu mali wɔ dwirɛ ne aso.

Edwein 119:22

Nnɛmaa bɛgoro me nwo, yeɛ nnɛmaa begua me nyunu ase, ofikyɛ mali wɔ noa dwirɛ so.

Edwein 119:33

Ao AWURADE, kyirekyire me w’ahyɛdeɛ atee ne, na ngoli so ngoodwu ye bo.

Edwein 119:34

Ma me nimdeɛ, amaa ɔnate so mali wɔ mmeraa ne aso, na ngɔfa m’ahone amukoraa ngoli so.

Edwein 119:57

Ao AWURADE wɔ yeɛ ɛte me kyɛfa ɔ; mehyɛ bɔ kyɛ ngoli wɔ dwirɛ ne aso.

Edwein 119:69

Anwomasoɛfoɛ bato me soen, nakoso mefa m’ahone amukoraa medi wɔ nhyehyɛleɛ so.

Edwein 119:88

Wɔ ɔdɔ bɔ onni ngasi ne ati, maa nya me ti nnidi nu, amaa ɔnate so mali wɔ noa dwirɛ ne aso.

Edwein 25:10

AWURADE atee amukoraa te ɔdɔ bɔ onni ngasi ne nahorɛ ma bɛ bɔ bedi ye apam ne ye dwirɛ so ɔ.

Anyandera 23:26

Mma, fa w’adwene ma me, ná ma wɔ nye gye m’atee nwo.

Yeremia 29:13

Ɛmɔkɔpena me si atee, na ɛmɔkonwu me, ofikyɛ ɛmɔkɔfa ɛmɔ ahone amukoraa bɛkɔpena me si atee.

Hesekiel 36:27

Ngɔfa me sunzum ngowura ɛmɔ nu, ngɔmaa ɛmɔkoli m’ahyɛdeɛ so, na ɛmɔkɔnea kyɛ ɛmɔkoli me nhyehyɛleɛ so ɔ.

Yohane 14:23

Na Yesu buale ye kyɛ, “Sɛ ebie kuro me dwirɛ a, okoli me dwirɛ so, na me Baba kohuro ye dwirɛ, na yɛkɔwa ye berɛ, ná yaayɔ yɛ atenaleɛ wɔ ye berɛ.

Deuteronomi 4:29

Na dɔ yeɛ ɛmɔkɔpena AWURADE ɛmɔ Nyameɛ si atee ɔ. Na sɛ ɛmɔfa ɛmɔ ahone amukoraati ne ɛmɔ kra amukoraati bɛpena ye si atee a, ɛmɔkonwu ye.

Deuteronomi 6:17

AWURADE ɛmɔ Nyameɛ mmeraa dwirɛ, ye dwirɛ ne ye ahyɛdeɛ bɔ wahyɛ wama ɛmɔ ne, ɛ́mɔli so pɛpɛɛpɛ.

Deuteronomi 6:5

Fa w’ahone mukoraati, wɔ kra mukoraati, ɔne w’anwoserɛ mukoraati kuro AWURADE wɔ Nyameɛ dwirɛ.

1 Yohane 3:20

sɛ yɛ tiboa bua yɛ foɛ a, Nyameɛ te piri tra yɛ tiboa, na ɔse nikyee biala.