Edwein 119:114 - AHYERƐLƐ KRONGRON

¹¹⁴ Wɔ yeɛ ɛte m’afealeɛ ne m’akokyɛm ɔ; mefa me wora mewura wɔ dwirɛ ne anu.

Edwein 119:114 Iomraidhean Croise

Edwein 119:43

Edwirɛ nahorɛ ne hanɛ ne, nnɛmaa ɔbɔ me koraa, ofikyɛ mafa me wora mawura wɔ nhyehyɛleɛ ne anu.

Edwein 119:74

Bɛ bɔ besuro wɔ ne, bekonwu me bekoli ahurusi, ofikyɛ mafa me wora mawura wɔ dwirɛ ne anu.

Edwein 119:81

Me kra wora dɔ wɔ ngoalelɛ ne paa; mefa me wora mewura wɔ dwirɛ ne anu.

Edwein 3:3

Nakoso ao AWURADE, wɔ yeɛ ɛte m’akokyɛm, m’animnyam ne me worakyekyelɛniɛ ɔ.

Edwein 3:4

Ndeane nu nzu mvrɛle AWURADE, na otiele me sufrɛ fili ye bokaa krongron ne aso. Sela

Edwein 32:7

Wɔ yeɛ ɛte m’afealeɛ ɔ, wɔ yeɛ ɛbɔ me nwo waen fi amaneɛ nu ɔ; ɛfa wɔ ngoalelɛ dwein ɛpɛ me nwo yia. Sela

Edwein 84:11

Ofikyɛ AWURADE Nyameɛ te eyia ne akokyɛm; ye yeɛ ɔdo sona ná ɔmaa onya animnyam ɔ, na bɛ bɔ bɛ bra te sannwuu ne, ɔmva nikye paa biala mmɔ bɛ atianuserɛ.

Yesaya 32:2

Bɛ nu biala kɔyɛ kyɛ afealeɛ bɔ mvrama tu a sona fea nu ɔ, nekaa bɔ mvrama piri tu a sona bɔ ye nwo waen ɔ, kyɛ aseɛ wosee so asue bɔ ɔtengyɛ ɔ, kyɛ aseɛ pralaa so nyɔbotaen piri bo fɔnwoo ne.