Edwein 117:2 - AHYERƐLƐ KRONGRON

² Ofikyɛ ye ɔdɔ bɔ onni ngasi bɔ ole ye ma yɛ ne, ɔte piri, na AWURADE nahorɛlilɛ ne ɔwɔ berɛ afebɔɔ. Ɛ́mɔye AWURADE ayɛ!

Edwein 117:2 Iomraidhean Croise

Edwein 103:11

Na kyɛbɔ anwuro ne aseɛ b’afia si wale ne, sɔ ala yeɛ ye ɔdɔ bɔ onni ngasi ne ɔte piri ma bɛ bɔ besuro ye ɔ.

Edwein 146:6

Nyameɛ bɔ odi ye dwirɛ so afebɔɔ ne, ye yeɛ ɔbɔle anwuro ne aseɛ, ɛpo ne nu nningyein amukoraa ɔ.

Edwein 85:10

Ɔdɔ bɔ onni ngasi ne, ɔne nahorɛlilɛ bekoyia; tenenee ne asomdwee bɛkɔyɛ bɛ nwo awaawaatuu.

Edwein 89:1

Ao AWURADE, ngɔto wɔ ɔdɔ bɔ onni ngasi ne anwo dwein daa, na ngɔte me noa ngɔbɔ wɔ nahorɛlilɛ ne anwo dawure ngohyire aworɛ ndoatoasoɛ amukoraa.

Yesaya 25:1

O AWURADE, wɔ yeɛ ɛte me Nyameɛ ɔ, ngɔkamvo wɔ, ngɔye wɔ dumaa ayɛ, ofikyɛ ayɔ anwanwadeɛ nningyein, ofi tetetetetete yeɛ ɛyɔle sɔ nhyehyɛleɛ ne ɔ, na ali so nahorɛ nu.

Mika 7:20

Ɛkɔye nahorɛlilɛ ali kohyire Yakob, ɔne anwumvoinnwunɛ ali kohyire Abraham, kyɛbɔ ata ye nwo ndaen ahyire yɛ nana mɔ fi daa tete ne.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

1 Yohane 5:6

Yesu Kristo yeɛ ole bɔ bafa nzue ne mogya bali ye walɛ ne nwo adanzeɛ ne. Nna nzue ngome, na mmom nzue ne mogya. Na Sunzum ne yeɛ odi adanzeɛ ɔ, ofikyɛ Sunzum ne ole nahorɛ ne.