Edwein 114:3 - AHYERƐLƐ KRONGRON

³ Ɛpo nwuni ye, na ɔnwatili; asue Yɔɔdan sale ye si.

Edwein 114:3 Iomraidhean Croise

Edwein 104:7

Na ɛteateane bɛ ne, bɛnwatili; bɛtele kyɛ ɛbɔle nu kurudududu ne, bɛnwati bɛhɔle.

Edwein 106:9

Ɔhane Ɛpo Kɔkorɛ ne anyunu maa ɔwewele koraa; olili bɛ nyunu maa bɛfale buma ne anu kyɛ ɛserɛ so ahɔ ɔ.

Edwein 74:15

Ebukyele asue mɔ ne asue ba mɔ maa bɛtengyɛle, nakoso ɛmane asue mbiri mɔ bɛwewele.

Edwein 77:16

Ao Nyameɛ, nzue nemɔ bɛ nye bɔle wɔ so ne, nzue nemɔ bɛ nye bɔle wɔ so ne, ɛserɛ hane bɛ; amba, buma ne koso ahunundetelɛ tɔle ye so.

Edwein 77:17

Munungum hwiele esue guale tatatata, ewienu bobɔle nu kurudududu; na w’agyaen nemɔ koso tetele yerɛmyerɛm.

Ɛksadɔso 14:21

Afei Mose tengyɛle ye sa ɛpo ne aso. Na AWURADE mane eyia afiteleɛ mvrama piri bie tuli, na oopiane ɛpo ne sale nziɛ kɔngɔen ne. Ɔmane ɛpo ne kakyili aseɛ wosee, na nzue ne anu hyɛle.

Ɛksadɔso 15:8

Wɔ bonyi anu nwomeɛ mane nzue ne boaboale ye noa, asorɔkye ne gyinane berɛ kyɛ ɛwaen; na buma ne bɔle kunguma wɔ ɛpo afia.

Yesaya 63:12

Ye bɔ ɔmane ye animnyam asaa ne oolili Mose famaa so, ná ɔne ye bɛnatele ne, ye bɔ ɔpakyele nzue ne anu wɔ bɛ nyunu ɔfa nyane dumaa afebɔɔ mane ye nwo ne;

Habakuku 3:15

Ɛfale wɔ mbɔngɔ natele ɛpo nu, ɛfale nzue buma mbiri nemɔ anu.