Edwein 114:2 - AHYERƐLƐ KRONGRON

² Yuda yɛle Nyameɛ nekaa krongron, Yisrael yɛle ye maen bɔ odi so ɔ.

Edwein 114:2 Iomraidhean Croise

Ɛksadɔso 15:17

Ɛkɔfa bɛ kɔwa, ná aabɔ bɛ atenaseɛ wɔ wɔ bɔbɔ wɔ bokaa ne aso, nekaa bɔ afa ayɛ w’atenaleɛ ne, O AWURADE, nekaa krongron bɔ afa wɔ sa asiesie ne, O AWURADE.

Ɛksadɔso 25:8

Maa besi nekaa krongron bɛma me, ná matena b’afia.

Ɛksadɔso 6:7

Ngɔfa ɛmɔ ngɔyɛ me mmenia, ná me wora ngɔyɛ ɛmɔ Nyameɛ. Na ɛmɔkonwu ye kyɛ me ole AWURADE ɛmɔ Nyameɛ bɔ olele ɛmɔ fili Misraim amaneɛnwunɛ nu ne.

Lewitikɔso 11:45

Ofikyɛ me ole AWURADE bɔ nyele ɛmɔ mvili Misraim aseɛ so mmale ne, bɔ me yeɛ nde ɛmɔ Nyameɛ ɔ; yiti ɛ́mɔyɛ krongron, ofikyɛ nde krongron.”

Deuteronomi 23:14

Na ɔnate kyɛ AWURADE wɔ Nyameɛ natenate w’asikyeleɛ ne anu, kyɛ ɔbaale wɔ, ná ɔfa wɔ pɔfoɛ mɔ wura wɔ sa ne ati, ma w’asikyeleɛ ne anu yɛ krongron, ná wannwu nikyee tɛɛ biala wɔ wɔ nu, ná wanyakyi wɔ berɛ wangɔ.

Deuteronomi 27:12

“Ɛmɔpɛ asue Yɔɔdan bɛkɔ ye si dɔ a, Simeon, Lewi, Yuda, Yisaka, Yosef ne Benyamin abusua kure nemɔ kogyina Gerisim bokaa ne aso bekoyirayira mmenia ne.

Deuteronomi 27:9

Afei Mose ne Lewifoɛ bɔ bɛte asɔfo ne sele Yisraelfoɛ amukoraati kyɛ, “O Yisrael, ma wɔ so bra wa ná tie! Ɛnɛ kyẽa ye, ayɛ AWURADE wɔ Nyameɛ maen.

Deuteronomi 7:6

“Ofikyɛ ɛmɔte mmenia krongron bɛma AWURADE ɛmɔ Nyameɛ; na ɛmɔ yeɛ AWURADE ɛmɔ Nyameɛ waneanea aseɛ ye aso mmenia mukoraati nu waye ɛmɔ ɔ, kyɛ ɛ́mɔyɛ ye bɔbɔ ye mmenia bɔ ye ahone la bɛ nwo ɔ.

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”