Edwein 113:9 - AHYERƐLƐ KRONGRON

⁹ Ɔmaa mmotaen brasua ɔbɔ taen, maa ɔyɛ brataen bɔ ye nye agye ɔ. Ɛ́mɔye AWURADE ayɛ!

Edwein 113:9 Iomraidhean Croise

Gyenesise 25:21

Yisake fale ye mbaeɛ tole AWURADE nyunu mane ɔye, ofikyɛ né ɔye ne te mmotaen. AWURADE tiele ye mbaeɛ, na ɔye Rebɛka nwonzɛle.

2 Ahemvo 4:17

Braa ne nwonzɛle, na mmerɛ ne dwuli ne, ɔwole baa bienzua, kyɛbɔ Elisa hã hyirele ye ne ala.

Edwein 68:6

Nyameɛ yeɛ ɔma sona bɔ olle bie ɔ awuro maa ɔtena nu ɔ; ɔye kukunufoɛ fite maa oyie bɛ yé, nakoso ɛlɔenyɛlɛfoɛ de, bɛtena aseɛ katerepee so.

Yesaya 54:1

“To dwein, wɔ, mmotaen bɔ anwo ɔ, ma wɔ komvi so to ahurusi dwein, wɔ bɔ ennwuni aworɛ yealɛ le ɔ! Ofikyɛ brasua bɔ bɛpole ye ne, ye mma kɔyɛ pee kɔtra brasua bɔ ogya biaa ne,” AWURADE noa dwirɛ ɛne.

Numeri 5:28

Nakoso sɛ braa ne ogguale ye nwo fiɛ, ná mmom ye nwo te a, ye de hwee ngɔyɔ ye, na ɔkɔhora kɔwo baa.

Galatiafoɛ 4:27

Ofikyɛ bahyerɛ kyɛ, “Ma wɔ nye gye, wɔ, mmotaen bɔ ɛnwo ɔ! Di ahurusi né tea nu, wɔ bɔ ennwu aworɛ yealɛ ɔ! Ofikyɛ brasua bɔ bɛpole ye ne, ole mmaa pee tra brasua bɔ ogya biaa ne.”

1 Samuel 2:5

Bɛ bɔ né bɛ ko ayi ne, afei de bekoli paa koraka né banya aleɛ bali, nakoso bɛ bɔ né ɛhɔen apɛ bɛ ne, afei de aleɛ abu bɛ so. Mmotaen braa wawo nzoo, nakoso braa bɔ ye mma pee ne, afei de waha ye ngome.