Edwein 113:4 - AHYERƐLƐ KRONGRON

⁴ AWURADE wɔ anwuro anwuro tra maen maen amukoraa, na ye animnyam kɔ anwuro tra ewienu.

Edwein 113:4 Iomraidhean Croise

1 Ahemvo 8:27

Nakoso Nyameɛ, aso ɛkɔtena aseɛ ye aso amba? Eh! Nyameɛso ne nyameɛso anwuro anwuro po, ɔte kãa ma wɔ, ná wayɛ kyɛ sua he bɔ masi ye!

Edwein 148:13

Odi kyɛ bɛye AWURADE dumaa ne ayɛ, ofikyɛ ye ngome yeɛ ye dumaa te piri ɔ; ye animnyam trɛ ɔbo aseɛ ne nyameɛso so.

Edwein 8:1

Ao AWURADE, yɛ Mene, wɔ dumaa piri paa ne kata aseɛ ye aso amukoraa! Wɔ bɔ w’animnyam wɔ ewienu anwuro anwuro ɔ!

Edwein 97:9

Ofikyɛ AWURADE, wɔ yeɛ ɛte Anwuro Anwuroniɛ paa wɔ aseɛ amukoraa so ɔ; ɛte totohyia tra nyameɛ mɔ amukoraa.

Edwein 99:2

AWURADE te piri wɔ Sion, na odi maen maen amukoraa so.

Yesaya 40:15

Tie, maen maen mɔ bɛte kyɛ nzue bɔ wape bokiti nu ko ɔ, bɛte kyɛ mvuture kaaba bie bɔ ɔla tonyi so ɔ. Tie, otira supɔ mɔ wɔ ye sa nu kyɛ mvuture kaaba bie.

Yesaya 40:17

AWURADE nyunu de, maen maen mukoraa bɛtte huu, obu bɛ kyɛ nikyee mbaen bie bɔ bɛtte hwee ɔ.

Yesaya 40:22

Aseɛ noa dɔ kango ne, ye yeɛ ɔte so ɔ, bɔ aseɛ so ama bɛte kyɛ torɔka ɔ. Ye yeɛ ɔtrɛtrɛ anwuro nu kyɛ mbɛmuɛ tena ɔ, na ɔbayebaye nu kyɛ ɛtena sua bɔ bɛtena nu ɔ.

Yesaya 66:1

AWURADE nwa nyoo: “Nyameɛso te m’ahennie bia, yeɛ aseɛ te me gya ndiasoɛ; nzikyɛ sua koraa yeɛ ɛmɔkosi bɛkɔma me ɔ, nisua yeɛ ngole me nwome ɔ?