Edwein 112:7 - AHYERƐLƐ KRONGRON

⁷ Onzuro ahunundetelɛ dwirɛ; ye adwene si ye pi, na ye wora wura AWURADE nu.

Edwein 112:7 Iomraidhean Croise

YOB NWOMAA NE 11:15

Ɔba ye sɔ a, ɛkɔpagya wɔ ti bɔ wɔ tiboa ngobua wɔ fɔ ɔ, ekogyina pirim, na engosuro.

Edwein 118:6

AWURADE gyi me si, yiti menzuro, nzikyɛ yeɛ sona kɔhora kɔfa kɔyɔ me ɔ?

Edwein 34:4

Mbenane AWURADE si atee, na obuale me, na ɔpepɛ lele me fili nikyee bɔ mesuro biala ɔ nu.

Edwein 49:6

Nzu ati yeɛ nzuro bɛ bɔ bɛfa bɛ nwo bɛto b’anwonyadeɛ so, bɔ bɛfa b’anwonya bɛhoahoa bɛ nwo ɔ?

Edwein 57:7

Ao Nyameɛ, m’ahone asiesie ye nwo, m’ahone asiesie ye nwo! Ngɔto dwein ngɔye wɔ ayɛ.

Edwein 62:8

Ao kuro mmenia, odi kyɛ ɛmɔfa bɛ nwo bɛto ye so mmerɛ biala, ná ɛ́mɔfa ɛmɔ ahiasɛm bɛto ye nyunu, ofikyɛ Nyameɛ te y’afealeɛ. Sela

Edwein 64:10

Teneneefoɛ bekoli ahurusi wɔ AWURADE nu, na bɛkɔbɔ bɛ nwo adwaa wɔ ye nu. Bɛ bɔ b’ahone nu te sannwuu ne, bɛkɔhoahoa bɛ nwo.

Anyandera 1:33

Nakoso ebiala bɔ otie me dwirɛ de, ɔkɔtena asomdwee nu, okonya anwotɔ, na ye kunu ngɔtete ye kyɛ musue kɔto ye ɔ.”

Daniel 3:16

Yeɛ Sadrake, Mesake ne Abedinego buale Nana kyɛ, “Nana Nebukadenesa, Onhia kyɛ yɛma wɔ mmuayɛɛ wɔ sɔ dwirɛ he anwo ɔ.

Luka 21:19

Na ɛmɔ pindinn gyinalɛ nu yeɛ ɛmɔkonya ɛmɔ kra ɔ.

Luka 21:9

Na sɛ ɛmɔte koɛ mɔ ne basabasayɔlɛ nwo dwirɛ a, nnɛma ɛmɔsuro; ofikyɛ, odi kyɛ ɛhemɔ bedi moa besisi, nakoso ayieleɛ ne ngɔwa berɛ ne ala.”

Yohane 14:1

“Nnɛmɔma ɛmɔ wora bɔ! Ɛmɔ de, ɛmɔle Nyameɛ beli, ná ɛmɔle me koso beli.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 21:13

Nakoso obuale yɛ kyɛ, “Na esuɛ ye koso ɛ? Bɔ bɛyɔ sɔ bɛma m’aba nu bu ye! Me de, nna kuku nu nnaa ngome yeɛ masiesie me nwo mama ɔ, na mmom kyɛ Awurade Yesu dumaa ti ngowu wɔ Yerusalem ɔ.”

Asomafoɛ 27:25

Yiti, biamɔ, nnɛma ɛmɔ abasa nu bu! Na mede Nyameɛ medi kyɛ bɔ ɔhã hyirele me ne kɔyɛ berɛ pɛpɛɛpɛ.