Biblia Todo Logo
Bìoball air-loidhne

- Sanasan -




Edwein 110:4 - AHYERƐLƐ KRONGRON

4 AWURADE ata ndaen, na ɔngɔsesã ye adwene: “Ɛte sɔfo afebɔɔ, kyɛ Mɛlkisɛdɛke deɛ ne ala.”

Faic an caibideil Dèan lethbhreac




Edwein 110:4
14 Iomraidhean Croise  

Na Salem hene Mɛlkisɛdɛke bɔ né ɔte Anwuro Anwuro Nyameɛ sɔfo nen, ɔfale paanoo ne bobe nzaa brɛle Abram.


AWURADE tale ndaen kitii hyirele Dawide, bɔ ongoli ye nwo ngasi ɔ, kyɛ, “Wɔ bɔbɔ wɔ kunu mmaa nemɔ anu ko yeɛ ngɔmaa okoli wɔ bia ɔ.


Amba, ye yeɛ okosi AWURADE asɔneyɛɛ sua ne ɔ, okonya ahennie animnyam ne, ɔkɔtena ye ahennie bia so koli hene, okoli sɔfo wɔ ye ahennie bia ne aso, na asomdwee bɔ odi mu ɔ kɔwa bɛ munyɔ b’afia.”


Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?


Na Nyameɛ asa aha ye nekaa foforɛ kyɛ, “Ɛte sɔfo afebɔɔ, kyɛ Mɛlkisɛdɛke deɛ ne ala.”


Berɛ yeɛ Yesu ali moa ahɔ ama yɛ ɔ, na waayɛ ɔsɔfo panyi paa afebɔɔ kyɛ Mɛlkisɛdɛke deɛ ne ala.


Ɔnate Lewi abusua kure asɔfo dwumadie ne aso yeɛ maen ne nyane mmeraa ne ɔ. Na sɛ bɛ dwumadie bɔ ɔte kyɛ Aarɔn deɛ ne lili mu a, ahaa bɛ nu bie yeɛ bɛyele ye maa ɔyɛle sɔfo ɔ. Nzaade ahaa ye nwo nhia kyɛ ɔsɔfo foforɛ bieku kɔɔyɛ kyɛ Mɛlkisɛdɛke deɛ ne ɔ.


Ofikyɛ odi ye nwo adanzeɛ kyɛ, “Ɛte sɔfo afebɔɔ, kyɛ Mɛlkisɛdɛke deɛ ne ala.”


na mmom ɛhe deɛ de, ɔtale ndaen hane kyɛ yoo: “Awurade ata ndaen, na ɔngɔkakyi ye adwene le, kyɛ, ‘Ɛte sɔfo afebɔɔ.’ ”


Mmeraa ne de, ɔyɛ mmenia bɔ mvomsoɛ wɔ bɛ nwo asɔfo mbanyi paa, nakoso Nyameɛ noa dwirɛ bɔ ndaen la so, bɔ mmeraa ne asi yeɛ ɔwale ne de, ɔyɛ Baa bɔ odi mu bɔkɔɔ ne ɔsɔfo panyi paa afebɔɔ.


ná wayɛ yɛ ahennie maen ne asɔfo wama ye Baba Nyameɛ ne, animnyam ne tumi ɔyɛ ye deɛ daa daa, Amen.


Lean sinn:

Sanasan


Sanasan