Edwein 110:3 - AHYERƐLƐ KRONGRON

³ Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Edwein 110:3 Iomraidhean Croise

1 Aberɛso Dwirɛ 16:29

Ɛ́mɔfa animnyam bɔ ɔfata AWURADE dumaa ɔ bɛma ye, ɛ́mɔfa afɔleɛ bɛbra ye nyunu, ɛ́mɔsɔne AWURADE wɔ animnyam krongron nu.

Nehemia 11:2

Na maen ne yirale bɛ bɔ bɛ bɔbɔ deinn bɛyele bɛ kunu kyɛ bɛkɔɔtena Yerusalem ne.

Edwein 29:2

Animnyam bɔ ɔfata AWURADE dumaa ne, ɛ́mɔfa bɛ́ma ye; ɛ́mɔsɔne AWURADE wɔ animnyam krongron nu.

Edwein 96:9

Ɛ́mɔsɔne AWURADE wɔ animnyam krongron nu, aseɛ so ama amukoraa, ɛ́mɔsuro AWURADE.

Hesekiel 43:12

Awuro ne, ye nwo mmeraa ɛhe: Bokaa ne ti afia, ɔne ye nwo wɛen bɔ ɔpɛ ye nwo wabra wayia amukoraa te krongron nu krongron. Tie, awuro ne nwo mmeraa ɛne.

Mika 5:6

Na bɛkɔfa ngrandɛ bekoli Asiria aseɛ ne aso ngonim, yeɛ Nimrode aseɛ ne aso pambim mɔ anu; sɛ Asiria ɔba y’aseɛ ne aso, ná otiatia y’aseɛ nemɔ aso a, okole yɛ kofi ye sa nu.

Asomafoɛ 1:8

Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Asomafoɛ 19:20

Yiti Awurade dwirɛ ne hɔle so trɛle na onyini ngonim nu.

Asomafoɛ 2:33

Yiti Nyameɛ mane ye so hɔle ye sa famaa so; na onyane Sunzum Krongron bɔhyɛ ne fili Baba ne berɛ, na ɛhe yeɛ wahwie wagua yɛ so bɔ ɛmɔnwu ye ná ɛmɔte ye.

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Asomafoɛ 21:20

Na bɛtele sɔ ne, bɛyele Nyameɛ ayɛ; na besele ye kyɛ, “Aliɛmaa Pɔɔlo, tie yɛ e! Yudafoɛ pembepembe wɔ wa bɔ bayɛ agyidifoɛ ɔ, na bɛ mukoraa basɔ Mose mmeraa ne anu serɛserɛ.

Asomafoɛ 4:4

Nakoso bɛ bɔ bɛtele edwirɛ ne, bɛ nu pee bele belili, na mmenia ne somaa ɔɔyɛle kɔyɛ apee nnu.

2 Korintofoɛ 13:4

Ɔwɔ nu kyɛ bɛbɔle ye mmeamudua nu wɔ mmerɛyɛlɛ nu de, nakoso ɔnate Nyameɛ tumi so ɔte ase. Yɛ koso, yɛyɛ mmerɛ wɔ ye nu, nakoso yɛnate Nyameɛ tumi so yɛne ye kɔtena ase.

2 Korintofoɛ 8:12

Na sɛ ɛmɔaye bɛ kunu kyɛ ɛmɔkɔboka a, nikyee bɔ sona le ye fa ma ne yeɛ ɔsɔ anyeɛ ɔ, na nna nikyee bɔ olle bie ne ɔ.

2 Korintofoɛ 8:16

Yɛda Nyameɛ ase kyɛ wafa ɛmɔ nwo mmɔden bɔ yɛbɔ ne ala wawura Tito ahone nu ɔ.

Ɛfesofoɛ 1:4

kyɛbɔ ɔneaneane nu yele yɛ wɔ ɔdɔ nu, Kristo nu koraka yeɛ bɛbaahyɛ wiase bo, kyɛ yɛyɛ krongron bɔ ngekalewa biala nne yɛ nwo wɔ ye nyunu ne.

Filipifoɛ 2:13

ɔnate kyɛ Nyameɛ yeɛ ɔyɔ adwumaa wɔ ɛmɔ nu maa ɛmɔkuro kyɛ ɛmɔyɔ, ná ɛmɔyɔ nnwumaa kyɛbɔ ɔsɔ ye nye ɔ.

1 Tɛsalonikafoɛ 4:7

Ɔnate kyɛ, Nyameɛ amvrɛ yɛ wamma efiɛ nu, na mmom anwotelɛ nu.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.

Nyekyire 7:9

Na ɛhe asi ne, nneane, na nwuni ɛlɔen kandinga bɔ sona biala ngɔhora bɛ ka ɔ, bɔ befi maen maen, mmusua kure, mmenia ne edwudwolɛ amukoraa nu, kyɛ begyigyi ahennie bia ne nyunu ne Boaen Ba ne nyunu, bɔ bewurawura ndaadeɛ fufue, ná betiratira ɛberɛ ɔ.

Maenbulɛfoɛ 5:2

“Sɛ Yisrael nu koɛhonɛfoɛ di ye nyunu a, sɛ mmenia ne tu bɛ nwo sie berɛ a, ɛ́mɔye AWURADE ayɛ!

Maenbulɛfoɛ 5:9

M’ahone la Yisrael safohene mɔ anwo, bɔ betuli bɛ nwo besiele berɛ ne. Ɛ́mɔye AWURADE ayɛ.