Edwein 11:5 - AHYERƐLƐ KRONGRON

⁵ AWURADE so teneneefoɛ ne bɔnefoɛ nea, nakoso ye kra kyi sona bɔ okuro basabasayɔlɛ ɔ.

Edwein 11:5 Iomraidhean Croise

Gyenesise 22:1

Ɛhemɔ asi ne, Nyameɛ sole Abraham neane. Ɔfrɛle ye kyɛ, “Abraham!” Na Abraham surole kyɛ, “Me ɛhe.”

Edwein 10:3

Ofikyɛ bɔnefoɛ bɛfa bɔ ɔla b’ahone nwo bɛhoahoa bɛ nwo, yeɛ adifuuniɛ ɔnoma AWURADE odwudwo otia ye.

Edwein 139:1

Ao AWURADE, aneanea me nu, na anwu me.

Edwein 17:3

Sɛ ɛneanea m’ahone nu, ná ɛpɛnzɛpɛnzɛ me ti anu dwirɛ nu kɔngɔen, ná eso me nea a, engonwu bɔne biala wɔ me nu; mayɛ m’adwene kyɛ mengɔfa me noa mengɔhã edwirɛ bɔ ɔte bɔne ɔ.

Edwein 21:8

Wɔ sa kɔhã wɔ pɔfoɛ mɔ amukoraa. Na bɛ bɔ bekyi wɔ ne, wɔ sa famaa kɔhyehye bɛ mukoraa.

Edwein 26:2

Neanea me nu ná so me nea, pɛnzɛpɛnzɛ m’ahone nu ne me ti anu.

Edwein 5:6

Ɛma ngondombofoɛ b’ayieleɛ yie bɛ, na kodiawufoɛ ne ndurumfoɛ de, AWURADE kyi bɛ.

Edwein 7:9

Ao bɔnefoɛ b’amumuyɛɛ ne, ma ye bo ɔpɛ, nakoso sona bɔ ɔtengyɛ ne de, ma ye bo otindim. Ao Nyameɛ bɔ ɛtengyɛ ɔ, wɔ yeɛ ɛse mmenia ti anu ne b’ahone nu dwirɛ ɔ.

Yeremia 12:8

M’agyapadeɛ ne, wakakyi kyɛ ɛhɔayeɛ nu gyata wama me; wama ye komvi so wabobɔ nu wagua me so, yiti mepɔ ye.

Yeremia 20:12

Nakoso Asafo AWURADE, wɔ bɔ eso teneneeniɛ nea ɔ, bɔ ɛse ahone nu ne bɛ ti nu dwirɛ ɔ, maa nwu bɛ so wereɛ bɔ ɛkɔtɔ ne, ofikyɛ wɔ yeɛ mafa me dwirɛ mato wɔ nyunu ɔ.

Sakaria 11:8

Na bosome ko anu, nnuane mmoaenneafoɛ nza nemɔ bɛ boso mvili berɛ. Bɛ nwo yɛle me kra ahi, na me koso me nwo yɛle bɛ kra tɛ.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Malaki 3:3

ɔkɔtena ase kyɛ dwumvoɛ bɔ ohuro ɛdwetɛ ɔye ye nwo fiɛ ɔ: ɔkɔte Lewi boso ama mɔ bɛ nwo, okohwi bɛ nwo kyɛ sikaa kɔkorɛ ne ɛdwetɛ, amaa ɔnate so bafa tenenee afɔleɛ babrɛ AWURADE.

Yakobo 1:12

Sona bɔ omia ye nye fa nzɔhwɛ nu ne, onya saleɛ; ofikyɛ sɛ ɔkora gyina nzɔhwɛ ne noa a, okonya ngoa abotire bɔ Awurade afa ahyɛ bɛ bɔ bekuro ye dwirɛ bɔ ne.

1 Petro 1:7

amaa ɔnate so ɛmɔ gyidie ne—bɔ ye nyɔboɛ yɛ se tra sikaa kɔkorɛ, bɔ ɔwɔ nu kyɛ beso bɛnea wɔ see nu po, nakoso ɔsɛkye ne—wakakyi ayɛyelɛ, anidie ne animnyam wɔ Yesu Kristo nwo aliyelɛ ne anu.

1 Petro 4:12

Aliɛmaa mɔ, amaneɛ yeayea bɔ ɔtoto ɛmɔ bɔ bɛfa beso ɛmɔ bɛnea ne, nnɛmɔma ɔyɛ ɛmɔ nwanwa, kyɛ ebiaa ɔte nikyee foforɛ bie yeɛ ɔtoto ɛmɔ ɔ.