Edwein 11:1 - AHYERƐLƐ KRONGRON

¹ AWURADE nu yeɛ me wora wura ɔ. Ɔyɛ sɛɛ bɔ ɛmɔse me kra kyɛ, “Nwati kyɛ anomaa kɔ wɔ bokaa so;

Edwein 11:1 Iomraidhean Croise

2 Aberɛso Dwirɛ 14:11

Asa sũ frɛle AWURADE ye Nyameɛ kyɛ, “Ao AWURADE, ɛkora boka sona bɔ ye nwo yɛ se, yeɛ ɛkora boka bɔ ye nwo nyɛ se koso ɔ. Ao AWURADE yɛ Nyameɛ, boka yɛ, ofikyɛ yafa yɛ nwo yato wɔ so, na wɔ dumaa nu yeɛ yɛfa koɛ yɛkɔtoa ɛlɔen he ɔ. Ao AWURADE, wɔ yeɛ ɛte yɛ Nyameɛ ɔ. Nnɛma dasaniɛ biala di wɔ so ngonim.”

2 Aberɛso Dwirɛ 16:8

Yitiopia ne Libia koɛhonɛfoɛ nemɔ, aso né bɛnzone pee? Bɛ teaseɛnam mɔ ne bɛ pɔngɔhanɛfoɛ mɔ, aso né bɛnzone pee? Nakoso ɔnate kyɛ ɛfale wɔ nwo tole AWURADE so ne ati, ɔfale bɛ wurale wɔ sa.

Nehemia 6:11

Nakoso mmuale kyɛ, “Mmenia bɔ bɛnwati bɛkɔfea ne, ebie ole me? Sona bɔ ɔte kyɛ me, aso odi kyɛ ɔnwati ɔkɔfea asɔneyɛɛ sua nu amaa onya ye ti odidi nu? Mengɔhɔ asɔneyɛɛ sua ne anu!”

Edwein 16:1

Ao Nyameɛ, bɔ me nwo waen, ofikyɛ wɔ nu yeɛ menwati mebafea ɔ.

Edwein 25:2

Ao me Nyameɛ, wɔ yeɛ me wora wura wɔ nu ɔ; nnɛma me nyunu gua ase; nnɛma me pɔfoɛ mɔ bedi m’asefinɛ nwo ahurusi.

Edwein 31:14

Nakoso ao AWURADE, mafa me wora mawura wɔ nu, menwa, “Me Nyameɛ ole wɔ.”

Edwein 56:11

Nyameɛ yeɛ mefa me wora mewura ye nu ɔ, yiti menzuro hwee; nzikyɛ yeɛ kuro sona kɔhora kɔfa kɔyɔ me ɔ?

Edwein 7:1

Ao AWURADE me Nyameɛ, wɔ nu yeɛ menwati mebafea ɔ, bɛ bɔ bɛfoa me ne amukoraa, de me fi bɛ sa nu, ná pepɛ de me.

Edwein 7:2

Wamma ye sɔ a, bɛkɔtete me nu pasapasa kyɛ gyata tete sona nu ɔ, na bɛkɔpoa me ase bɛkɔhɔ bɔ mengonya defoɛ biala ɔ.

Edwein 9:10

Na bɛ bɔ bɛse wɔ dumaa ne, bɛfa bɛ wora bewura wɔ nu, ofikyɛ wɔ, ao AWURADE, bɛ bɔ bɛpena wɔ si atee ne, anye wɔ sa amvi bɛ bo.

Anyandera 6:5

De wɔ nwo kyɛbɔ ɛwanzane ode ye nwo fi bɔfoɛ sa nu ɔ, kyɛbɔ anomaa ode ye nwo fi sona bɔ osua nnomaa ngaen sa nu ɔ.

Yeremia 48:14

“Ɔyɛ sɛɛ bɔ ɛmɔkekã kyɛ, ‘Yɛte katakyiefoɛ ne koɛhonɛfoɛ ahoneserɛfoɛ’ ɔ?

Luka 13:31

Na sɔ mmerɛ ne anu, Farasiifoɛ biemɔ wale beesele ye kyɛ, “Fi wa kɔ, ofikyɛ Herode pena wɔ ku wɔ!”

1 Samuel 19:11

Sɔɔlo tuli mmenia maa bɛhɔle Dawide awuro kyɛ bɛɛtɛ ye behũ ye ngyerɛmɔ. Nakoso Dawide tiale Mikal gya so kyɛ, “Sɛ annwati kɔngɔen ye a, ɛhema ngyerɛmɔ bekohu wɔ.”

1 Samuel 20:38

Yonatan tole abɛɛmaa ne huuu bieku kyɛ, “Ka wɔ nwo, ma wɔ nwo yɛ nyera, nnɛgyina berɛ!” Yiti Yonatan abɛɛmaa ne sesale agyaen nemɔ, na osa wale ye mene nwo berɛ.

1 Samuel 22:3

Dawide fili berɛ hɔle Misepe bɔ ɔwɔ Moabo. Na ɔfa tole Moabo hene nyunu kyɛ, “Mesrɛ wɔ ala, ma me baba ne me maame bɛɛtena wɔ wa kɔpem kyɛ ngonwu bɔ Nyameɛ kɔyɔ kɔma me ɔ.”

1 Samuel 23:14

Dawide tenane ɛserɛ so anwoserɛ afealeɛ nemɔ anu, wɔ mmokaa aseɛ bɔ ɔwɔ Sife ɛserɛ ne aso. Sɔɔlo hɔle so penane ye mmerɛ biala, nakoso Nyameɛ amva ye wanwura ye sa.

1 Samuel 27:1

Dawide hane ye wɔ ye ti anu kyɛ, “Annea a, ɛlɛho Sɔɔlo konya me kohũ me. Bɔ ɔsɛ kyɛ meyɔ ala ole kyɛ ngɔnwati ngɔhɔ Filistifoɛ aseɛ so. Ɔba ye sɔ a, Sɔɔlo kɔpa aba, bɔ ɔngɔpena me ko wɔ Yisrael aseɛ so ɔ, na ngɔnwati ngofi ye sa nu.”