Edwein 109:23 - AHYERƐLƐ KRONGRON

²³ Me boso kyikyi kyɛ nɔsoa wawoɛ, na mvrama bɔ me kɔ kyɛ abɛbɛ.

Edwein 109:23 Iomraidhean Croise

1 Aberɛso Dwirɛ 29:15

Wɔ nyunu, yɛte ɛwɔfoɛ ne amanvrafoɛ, kyɛ yɛ nana mɔ amukoraa ala. Yɛ ngyẽa bɔ yɛdi ye aseɛ ye aso ne, ɔpɛ nu kɔ kyɛ wawoɛ, na yɛngɔhyɛ ná yatu yamini.

YOB NWOMAA NE 14:2

Opukye kyɛ bakaa nyerɛen, na ɔkese, ɔpɛ nu kɔ kyɛ wawoɛ, na ɔngyɛ né watu wamini.

Edwein 102:12

Nakoso, ao AWURADE, ɛte w’ahennie bia so afebɔɔ; wɔ dumaa timu berɛ daa wɔ aworɛ ndoatoasoɛ amukoraa nu.

Edwein 144:4

Sona te kyɛ nwomeɛ; ye ngyẽa te kyɛ wawoɛ bɔ ɔpɛ nu kɔ ɔ.

Ɛksadɔso 10:13

Yiti Mose mane ye pɔmaa ne aso hyirele Misraim aseɛ ne. Na AWURADE mane eyia afiteleɛ mvrama tuli aseɛ ne aso sɔ kyẽa ne eyia ne kɔngɔen amukoraa. Na aleɛ hyene ngyerɛmɔ nen, né eyia afiteleɛ mvrama ne afa mmɛbɛ nemɔ wawa.

Ɛksadɔso 10:19

Na AWURADE mane eyia atɔleɛ mvrama piri bie tuli, na opiane mmɛbɛ nemɔ ooguale Ɛpo Kɔkorɛ nu. Abɛbɛ ko po anga berɛ wɔ Misraim aseɛ so nekaa biala.

Nworɛ Dwirɛhanɛniɛ 6:12

Kuro sona ngoa tikaape bɔ ɔte mbaen, bɔ ɔsẽ kɔ kyɛ wawoɛ ne, nwa yeɛ ɔse bɔ ɔte paa ma kuro sona wɔ nu ɔ? Bɔ okosi sona ye wue asi wɔ wiase ne, nwa yeɛ ɔkɔhora kɔla ye ali kohyire ye ɔ?

Nworɛ Dwirɛhanɛniɛ 8:13

Bɔnefoɛ de, ongoyie ye yé, yeɛ ye ngoa bɔ ɔte kyɛ wawoɛ ne, ɔngɔyɛ tendenn, ɔnate kyɛ onzuro Nyameɛ.

Yakobo 4:14

Nakoso ɛmɔnze bɔ okosi ɛhema ɔ. Ɛmɔ ngoa te nzu? Ofikyɛ ɔte etutue bɔ ɔba mmerɛ kãa bie, ná afei watu wamini ɔ.